అజ్ఞాతవాసి సినిమా తర్వాత మూడేళ్ళ గ్యాప్ తీసుకొని ప్రస్తుతం వకీల్ సాబ్ సినిమాతో త్వరలో ప్రేక్షకుల ముందుకి రావడానికి రెడీ అయ్యాడు.రాజకీయాలలో బిజీగా ఉండటంతో సినిమాలకి కొంత కాలం విరామం ఇచ్చేశారు.
గత ఏడాది నుంచి మళ్ళీ రెగ్యులర్ గా సినిమాలు చేయడానికి పవన్ కళ్యాణ్ రెడీ అయ్యారు.ఈ నేపధ్యంలో వకీల్ సాబ్ నుంచి మొత్తం నాలుగు సినిమాల వరకు లైన్ లో పెట్టారు.
అందులో క్రిష్ తో కలిసి పాన్ఇండియా సినిమా చేస్తున్నారు.ఇదిలా ఉంటే పవన్ కళ్యాణ్ వకీల్ సాబ్ షూటింగ్ ఎట్టకేలకి కరోనా అవాంతరాలని అధికమించి షూటింగ్ కంప్లీట్ చేసుకుంది.
ప్రస్తుతం ఈ సినిమా పోస్ట్ ప్రొడక్షన్ మీద దిల్ రాజు టీం ద్రుష్టి పెట్టింది.భారీ బడ్జెట్ తో తెరకెక్కిన ఈ సినిమాని పింక్ కి రీమేక్ అనే విషయం అందరికి తెలిసిందే.
అయితే రీమేక్ సినిమా అయినా పవన్ కళ్యాణ్ కి తగ్గట్లు కథలో కీలక మార్పులు చేశారు.
పవన్ కళ్యాణ్ కోసం వేణు శ్రీరామ్ ఓ ఫ్లాష్ బ్యాక్ ఎపిసోడ్ కూడా సిద్ధం చేశారు.దీనికోసం శృతి హాసన్ ని హీరోయిన్ గా ఖరారు చేశారు.రెండేళ్ల గ్యాప్ తీసుకొని సినిమాలు చేస్తున్న శృతి ఓ వైపు రవితేజ, అలాగే వకీల్ సాబ్ లో పవన్ కళ్యాణ్ తో జత కట్టే అవకాశాన్ని సొంతం చేసుకుంది.
ఇప్పటికే వకీల్ సాబ్ సినిమా నుంచి పవన్ కళ్యాణ్ స్టిల్స్ బయటకి వచ్చాయి.ఇప్పుడు కొత్త సంవత్సరం సందర్భంగా వకీల్ సాబ్ నుంచి శృతి హాసన్, పవన్ కళ్యాణ్ బైక్ పై వెళ్తున్న స్టైల్ ని బయటకి రిలీజ్ చేశారు.
ఈ స్టైల్ లో పవన్ కళ్యాణ్ యంగ్ గా, ఒకప్పటి లుక్ లో కనిపిస్తూ ఫ్యాన్స్ ని ఉత్సాహానికి గురి చేశారు.ఇక ఫ్యాన్స్ కోసం సంక్రాంతికి వకీల్ సాబ్ నుంచి టీజర్ నుంచి ప్రేక్షకుల ముందుకి తీసుకురాబోతున్నారు.
తెలుగు వార్త విశేషాలు సులభముగా తెలుసుకోండి!!!!
