బాలీవుడ్ నటి పాయల్ ఘోష్ ఇటీవల బాలీవుడ్ దర్శకుడు అనురాగ్ కశ్యప్ పై లైంగిక ఆరోపణలు చేసిన విషయం తెలిసిందే.ఈ క్రమంలో ఆమె కేసు కూడా నమోదు చేసింది.
అయితే పాయల్ ఆరోపణల నేపథ్యంలో దర్శకుడు అనురాగ్ కశ్యప్ కు సమన్లు జారీ అయినట్లు తెలుస్తుంది.బాలీవుడ్ దర్శకుడు కశ్యప్ తనను లైంగికంగా వేధించాడని తనను రూమ్ కి పిలిచి చాలా అసభ్యంగా ప్రవర్తించాడు అంటూ ఆమె ఆరోపణలు చేసిన విషయం తెలిసిందే.
నేను ఏ హీరోయిన్ ను పిలిచినా ఇక్కడకి వచ్చి ఎంజాయ్ చేస్తుంది అంటూ తనతో చాలా అసభ్యంగా మాట్లాడినట్లు పాయల్ ఆరోపణలు చేసింది.అయితే పాయల్ ఆరోపణలను ఖండించిన కశ్యప్ కు పలువురు బాలీవుడ్ భామలు కూడా సపోర్ట్ గా నిలిచారు.
కశ్యప్ అలాంటి వారు కాదని,ఒకవేళ ఆయన అలాంటి వాడు అని తెలిస్తే అతనితో ఇక సంబంధాలు తెంచుకుంటాను అంటూ బాలీవుడ్ నటి తాప్సి పన్ను కూడా వ్యాఖ్యలు చేసింది.అయితే పాయల్ మాత్రం అతడి లాంటి దర్శకుడి ని ఎప్పుడూ చూడలేదని, అతడి తరువాత తాను మరే దర్శకుడి నుంచి అలాంటి అనుభవాలను ఎదుర్కోలేదని తెలిపింది.
ఈ వ్యవహారంపై పాయల్ పోలీసులకు ఫిర్యాదు చేయడం తో ఆయన పై ఐపిసి సెక్షన్ 376 354 341 342 కింద పోలీసులు కేసు కూడా నమోదు చేశారు.అయితే ఈ కేసు దర్యాప్తును త్వరగా నిర్వహించి తనకు న్యాయం చేయాలని లేదంటే నిరాహార దీక్ష చేస్తానంటూ పాయల్ వ్యాఖ్యలు చేసింది.
అంతేకాకుండా తనకు ప్రాణహాని ఉందంటూ ప్రధాని మోడీ ని సైతం కోరిన పాయల్ మహారాష్ట్ర గవర్నర్ భగత్ సింగ్ కోష్యరి ని కూడా కలిసి దీనిపై ఫిర్యాదు చేసినట్లు తెలుస్తుంది.ఈ నేపథ్యంలోనే పోలీసులపై ఒత్తిడి రావడం తో అనురాగ్ కి సమన్లు జారీ చేయగా, త్వరలో అతడిని పోలీసులు విచారించనున్నట్లు తెలుస్తుంది.
