పాలు ఆరోగ్యానికి మంచిది.పాల‌లో ఎన్నో ఔష‌ధ గుణాలు దాగి ఉండే ప‌సుపు క‌లిపి తీసుకుంటే ఆరోగ్యానికి ఇంకా మంచిది.
అందుకే చాలా మంది ప‌సుపు క‌లిపిన పాలు తీసుకుంటుంటారు.ప‌సుపు క‌లిపిన పాలు తీసుకోవ‌డం వ‌ల్ల శ‌రీర రోగ నిరోధ‌క శ‌క్తి బ‌ల‌పడుతుంది.
జ‌లుబు, ముక్కు దిబ్బడ, తలనొప్పి, ద‌గ్గు వంటి జ‌బ్బులు ద‌రి చేర‌కుండా ఉంటాయి.నిద్ర లేమి, కీళ్ల వాపులు, నెల‌స‌రి నొప్పులు, ఒంటి నొప్పులు వంటి అనేక స‌మ‌స్య‌ల నుంచి ర‌క్షించ‌డంలోనూ ప‌సుపు క‌లిపిన పాలు ఉప‌యోగ‌ప‌డ‌తాయి.
అయితే ప‌సుపు పాలు ఆరోగ్యానికి మంచిదే అయిన‌ప్ప‌టికీ.అతిగా తీసుకుంటే మాత్రం అనేక స‌మ‌స్య‌లు ఏర్ప‌డేలా చేస్తుంది.
అవును, ప్రతి రోజు ప‌సుపు క‌లిపిన పాలు తీసుకోవ‌డం వ‌ల్ల శ‌రీరం ఐర‌న్ గ్ర‌హించే శ‌క్తి క్ర‌మంగా త‌గ్గిపోతోంది.దాంతో ఐర‌న్ లోపించి.
ర‌క్త హీన‌త స‌మ‌స్య‌కు దారి తీస్తుంది.అందువ‌ల్ల, ప‌సుపు క‌లిపిన పాలను రెగ్యుల‌ర్‌గా కాకుండా.
వారంలో రెండు లేదా మూడు సార్లు తీసుకుంటే మంచిది.
అలాగే ప‌సుపు పాలను అతిగా తీసుకోవ‌డం వ‌ల్ల. కిడ్నీలో రాళ్లు ఏర్ప‌డే రిస్క్ పెరుగుతుంది.కిడ్నీలో రాళ్లు ఉన్న వారు ప‌సుపు పాలు తాగితే.
స‌మ‌స్య మ‌రింత తీవ్ర త‌రం అవుతుంది.రక్తస్రావం స‌మ‌స్య‌తో ఇబ్బంది ప‌డే వారు కూడా ప‌సుపు పాల‌కు దూరంగా ఉండ‌ట‌మే మంచిది.
ఎందుకంటే, ప‌సుపు పాలు రక్తస్రావం స‌మ‌స్యను రెట్టింపు చేస్తుంది.దాంతో మీరు మ‌రింత ఇబ్బంది ప‌డాల్సి వస్తుంది.
అదేవిధంగా, ప‌సుపు క‌లిపిన పాలను అతిగా తీసుకుంటే కాలేయ స‌మ‌స్య‌లు వ‌చ్చే ప్ర‌మాదం కూడా ఉంది.ఒక వేళ ఏవైనా కాలేయ సంబంధిత స‌మ‌స్య‌లు ఉంటే ప‌సుపు పాలు తీసుకోక‌పోవ‌డ‌మే మంచిదంటున్నారు నిపుణులు.
ఇక మ‌ధుమేహం వ్యాధి గ్ర‌స్తులు అతిగా ప‌సుపు క‌లిపిన పాలు తీసుకుంటే.చ‌క్కెర స్థాయిలో అనేక మార్పులు చోటు చేసుకుంటాయి.
అందువ‌ల్ల, ఆరోగ్యానికి మంచిద‌ని ఓవ‌ర్‌గా మాత్రం ప‌సుపు పాలు తీసుకోకండి.అలా చేస్తే ఆరోగ్యానికే ముప్పుగా మారుతుంది.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
