కోదండరామ్ కు రేవంత్ ప్రయార్టీ ! ఆ రెండు పదవుల్లో ఒకటి ఖాయం 

 దీంతో కోదండరాం ( Kodandaram )కు ఏ పదవి ఇవ్వబోతున్నారు ? ఆయనకు ఏ స్థాయిలో ప్రాధాన్యం దక్కబోతుందనేది ఆసక్తికరంగా మారింది .అయితే ఇప్పుడిప్పుడే తన సొంత టీంను ఏర్పాటు చేసుకుంటున్న రేవంత్ రెడ్డి ఇప్పటికే ఇంటెలిజెన్స్ చీఫ్ గా శివధర్ రెడ్డిని నియమించారు.సీఎంవో ముఖ్య కార్యదర్శి నియామకాలు కూడా పూర్తి చేశారు .ఇక కొత్త ప్రభుత్వంలో ప్రొఫెసర్ కోదండరాంకు కీలక పదవిని ఇచ్చేందుకు రేవంత్ సిద్ధమవుతున్నారట .ఈ మేరకు ఆయనకు ప్రభుత్వ ప్రధాన సలహాదారుగా నియమించే అవకాశం ఉన్నట్లుగా ప్రచారం జరుగుతుంది.పరిపాలనలో కోదండరాం సలహాలు, సహకారం తీసుకోవాలని రేవంత్ భావిస్తున్నారట.తెలంగాణ  వనరులు, విద్య ,తెలంగాణకు అనుకూలమైన పరిపాలన వంటి రంగాల్లో కోదండరాంకు అపారమైన అనుభవం,  పరిజ్ఞానం ఉండడంతో అటువంటి వ్యక్తిని సలహాదారుగా నియమిస్తే తనకు అన్ని విధాలుగా కలిసి వస్తుందని రేవంత్ భావిస్తున్నారట.

 అలాగే ఉద్యోగ నియామకాల్లో కీలకం అయిన టీఎస్పీఎస్సీ చైర్మన్ గా కూడా కోదండరాము నియమించే అవకాశం ఉందనే ప్రచారం జరుగుతుంది .ఇదే కాకుండా ఇప్పటికే బీఆర్ఎస్ ప్రభుత్వ హయాంలో టీఎస్పీఎస్సీ పై అనేక ఆరోపణలు వచ్చాయి.పేపర్ లీకేజీ ఘటనతో టీఎస్పీఎస్సీ ప్రతిస్ట మసక బారింది.ఈ నేపథ్యంలో కోదండరాంకు ఆ బాధ్యతలు అప్పగిస్తే నిరుద్యోగులలోను నమ్మకం ఏర్పడుతుందని రేవంత్ ( CM Revanth Reddy )భావిస్తున్నారట.

ప్రభుత్వ సలహాదారు, లేదంటే టీఎస్పీఎస్సీ చైర్మన్ గా కోదండరాంకు ఏదో ఒక పదవి దక్కే అవకాశం ఉన్నట్లు రేవంత్ సన్నిహితులు వ్యాఖ్యానిస్తున్నారు.