'హైడ్రా ' ఎఫెక్ట్ : రేవంత్ ఇమేజ్ తగ్గిందా పెరిగిందా ? 

హైడ్రా పేరుతో రేవంత్ రెడ్డి లేనిపోని తలనొప్పులు తెచ్చుకున్నారని పార్టీ నేతలే అభిప్రాయపడుతున్నారు.ఈ విషయంపై కాంగ్రెస్ నేతలు ఎవరూ బహిరంగంగా విమర్శలు చేసేందుకు సాహసించడం లేదు కానీ,  అధిష్టానం పెద్దలకు మాత్రం ఈ విషయంలో రేవంత్ కు వ్యతిరేకంగా ఫిర్యాదులు చేస్తున్నారట.ఒకవైపు చూస్తే స్థానిక సంస్థల ఎన్నికలు సమీపిస్తున్న నేపథ్యంలో,  ఈ తరహా చర్యలు పార్టీని దెబ్బతీస్తాయనే ఆందోళన వ్యక్తం అవుతోంది.

ఈ కూల్చివేతలలో బడా పారిశ్రామిక వేత్తలు , రాజకీయ నాయకులవే కాకుండా , సామాన్యుల కు చెందిన భవనాలను సైతం కూల్చి వేస్తూ ఉండడం కాంగ్రెస్ కు చేటు తెస్తుందనే అభిప్రాయం చాలా మంది నేతల్లో ఉన్నాయి.

అయితే రేవంత్ మాత్రం ఈ విషయంలో వెనక్కి తగ్గేదే లేదు అన్నట్లుగా వ్యవహరిస్తున్నారు.హైడ్రా వ్యవహారంలో వ్యక్తిగతంగా రేవంత్ ఇమేజ్ పెరిగినట్టే కనిపిస్తున్నా.రాజకీయంగా మాత్రం ఆయనకు , కాంగ్రెస్ కు నష్టం కలిగిస్తుందనే అభిప్రాయాలు వ్యక్తం అవుతున్నాయి.