మాస్ రాజా రవితేజ ప్రస్తుతం వరుసబెట్టి సినిమాలు చేస్తున్న సంగతి తెలిసిందే.ఇటీవల ‘డిస్కోరాజా’ చిత్రం బాక్సాఫీస్ వద్ద ఫ్లాప్ మూవీగా నిలిచింది.
దీంతో తన నెక్ట్స్ మూవీ క్రాక్పై ఫుల్ ఫోకస్ పెట్టాడు రవితేజ.గోపీచంద్ మలినేని డైరెక్ట్ చేస్తున్న ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.
ఇక ఈ సినిమా తరువాత కూడా రవితేజ వరుసగా సినిమాలను లైన్లో పెట్టే పనిలో పడ్డాడు.ఇప్పటికే రమేష్ వర్మ డైరెక్షన్లో ఓ సినిమా చేసేందుకు రెడీ అవుతున్నాడు ఈ హీరో.
కాగా పూర్తి కమర్షియల్ ఎంటర్టైనర్గా తెరకెక్కుతున్న ఈ సినిమాలో రవితేజ ఎలాంటి పాత్రలో నటిస్తాడా అనే ఆసక్తి అప్పుడే నెలకొంది.ఇక ఈ సినిమాలో హీరోయిన్ విషయంలో కూడా చిత్ర యూనిట్ చాలా జాగ్రత్తగా అడుగులు వేస్తున్నారు.
గతంలో వివి వినాయక్ డైరెక్షన్లో తెరకెక్కిన కృష్ణ సినిమాలో రవితేజ సరసన అందాల భామ త్రిష నటించగా ఆ సినిమా బాక్సాఫీస్ వద్ద బ్లాక్బస్టర్ హిట్గా నిలిచిన సంగతి తెలిసిందే.ఈ సినిమాలో వారిద్దరి కాంబినేషన్కు మంచి పేరు వచ్చింది.
ఇప్పుడు మళ్లీ దాదాపు 12 ఏళ్ల తరువాత ఈ జంట మరోసారి రొమాన్స్కు రెడీ అవుతున్నారు.త్రిషకు ఈ సినిమా కథ బాగా నచ్చడంతో వెంటనే ఓకే చెప్పినట్లు తెలుస్తోంది.
మరి ఈ సినిమాతో రవితేజ మరోసారి అదిరిపోయే సక్సెస్ అందుకుంటాడని ఆశిద్దాం.