సమంత హీరోయిన్ గా పౌరాణిక చిత్రంగా గుణశేఖర్ దర్శకత్వంలో తెరకెక్కిన సినిమా శాకుంతలం.ఈ సినిమా పాన్ ఇండియా స్థాయిలో తెరకెక్కింది.
ఇప్పటికే షూటింగ్ పనులను పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ పనులను జరుపుకుంటుంది.ఈ సినిమాతో సమంత మొట్టమొదటిసారి పాన్ ఇండియా చిత్రం ద్వారా ప్రేక్షకుల ముందుకు రాబోతున్నారు.
అదేవిధంగా సమంత నటించిన పౌరాణిక చిత్రం కావడంతో ఈ సినిమాపై భారీ అంచనాలే ఉన్నాయి.
ఈ క్రమంలోనే ఈ సినిమాను బాలీవుడ్ ఇండస్ట్రీలో చాలా గ్రాండ్ గా విడుదల చేయడానికి నిర్మాతలు పెద్ద ఎత్తున సన్నాహాలు చేస్తున్నారు.
సమంత ది ఫ్యామిలీ మెన్ 2సిరీస్ ద్వారా బాలీవుడ్ ఇండస్ట్రీలో విశేషమైన ప్రేక్షకాదరణ దక్కించుకున్నారు.అదేవిధంగా పుష్ప ఐటమ్ సాంగ్ ద్వారా మరోసారి బాలీవుడ్ ప్రేక్షకులను సందడి చేసిన సమంతకి ఇప్పటికే బాలీవుడ్ ఇండస్ట్రీలో మంచి క్రేజ్ ఏర్పడిందని చెప్పవచ్చు.
ఈ క్రమంలోనే శాకుంతలం సినిమా విడుదల విషయంలో కూడా బాలీవుడ్ ఇండస్ట్రీ లో భారీ ఎత్తున ప్రమోషన్ కార్యక్రమాలను నిర్వహించి ఈ చిత్రాన్ని విడుదల చేయాలని నిర్మాత నీలిమ గుణ భావించినట్లు తెలుస్తోంది.దిల్ రాజు సమర్పణలో గుణ టీమ్ వర్క్స్ బ్యానర్‌పై నీలిమ గుణ ఈ చిత్రాన్ని తెరకెక్కించిన సంగతి మనకు తెలిసిందే.ఇక ఇందులో అల్లు అర్జున్ గారాలపట్టి అల్లు అర్హ భరతుడి పాత్రలో నటించిన విషయం మనకు తెలిసిందే.విడాకుల ప్రకటన తర్వాత పూర్తిగా తన దృష్టిని సినిమాల పై పెట్టిన సమంత ఇప్పటికే పలు బాలీవుడ్ చిత్రాలు చర్చల దశలో ఉన్నాయి.
ఈ నేపథ్యంలోనే ఈ శాకుంతలం సినిమాను బాలీవుడ్ ఇండస్ట్రీలో గ్రాండ్ గా లాంచ్ చేయడం వల్ల ఈ సినిమాతో పాటు సమంతకు బాలీవుడ్ ఇండస్ట్రీలో కూడా మరింత క్రేజ్ పెరిగే అవకాశాలు ఉన్నాయని చిత్రబృందం భావిస్తోంది.
