బెంగళూరు( Bengaluru )లోని ఒక హోటల్ ఇటీవల సోషల్ మీడియాలో వైరల్ అయింది.అయితే, దీని వెనుక ఉన్న కారణం సాధారణ పబ్లిసిటీ స్టంట్ కాదు.
ఈ హోటల్( Hotel ) సంప్రదాయ శైలిలోని అభిమానులను ఆకట్టుకునేందుకు ఒక ప్రత్యేకమైన ప్రయత్నం చేసింది.వైరల్ అయిన వీడియోలో, హోటల్ లోపలి భాగం కనిపించింది.
అక్కడ, సీలింగ్ నుంచి వేలాడుతున్న పెద్ద పెద్ద ఫ్యాన్లు కనిపిస్తాయి. మొదటి చూపులో ఈ ఫ్యాన్లు చాలా పురాతనమైనవిగా అనిపిస్తాయి.
అవి గుండ్రంగా కాకుండా, దీర్ఘచతురస్రాకారంలో ఉంటాయి.
వాటిపై అందమైన బట్టలు, ఊగుతున్న కర్రలు కూడా ఉన్నాయి.అయితే, ఈ ఫ్యాన్లకు ఒక ప్రత్యేకత ఉంది – అవి విద్యుత్తుతో పనిచేస్తాయి! నిజానికి వీటిని ఫ్యాన్లు అని పిలవలేం.ఇవి ఒక విసనకర్ర లాగా ఉన్నాయి.
గతంలో ఈ రకమైన ఫ్యాన్లను చేతితో ఊపేవారు.కానీ, ఈ హోటల్ లోని ఫ్యాన్లు మోడర్న్ టెక్నాలజీని ఉపయోగించి ఊగుతాయి.ఈ కలయిక చాలా ఆకర్షణీయంగా ఉంది మరియు సోషల్ మీడియా( Social media )లో చాలా చర్చనీయాంశమైంది
వైరల్ అవుతున్న ఈ వీడియోలో ఒక రెస్టారెంట్ లోపలి భాగం చాలా ఆకర్షణీయంగా ఉంది.పురాతన శైలిలో డిజైన్ చేసిన ఈ రెస్టారెంట్ లో ఒక ప్రత్యేకమైన ఆకర్షణ ఫ్యాన్‌లే కావడం విశేషం.ఈ వీడియోను షేర్ చేస్తూ “బెంగళూరులోని ఒక హోటల్‌లో కొత్త రకమైన ఫ్యాన్లు.జీవితం ఒక చక్రం.” అని ఒక యూజర్ రాశారు.ఆన్‌లైన్‌లో పోస్ట్ చేసిన టైమ్ నుంచి ఈ విచిత్రమైన ఆవిష్కరణాత్మక విధానం సోషల్ మీడియాలో చర్చనీయాంశమైంది.
చాలా మంది ఈ ఫ్యాన్ల డిజైన్‌ను అభినందించారు, మరికొందరు ఆశ్చర్యం వ్యక్తం చేశారు.ఒక యూజర్ పురాతన కాలం నాటి ఒక ఫోటోను పోస్ట్ చేస్తూ, “బ్రిటిష్ కాలంలోని విసనకర్రలను ఇది గుర్తుచేస్తుంది” అని రాశారు.
అయితే ఈ ఊపే ఫ్యాన్ల కారణంగా ఎలాంటి గాలి రాదు అని మరి కొంతమంది నిరాశను వ్యక్తపరిచారు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
