వైసీపీ ఏపీలో అధికారం కోల్పోయిన దగ్గర నుంచి ఆ పార్టీలో పదవులు అనుభవించిన నేతల్లో టెన్షన్ మొదలైంది .గత ప్రభుత్వంలో తీసుకున్న నిర్ణయాలు, అవినీతి వ్యవహారాలను వెలికి తీసే విషయంలో టిడిపి, జనసేన , బిజెపి కూటమి ప్రభుత్వం సీరియస్ గా ఉండడం , ఇప్పటికే అనేక మందిపై కేసులు నమోదు చేయడం, మరికొన్ని వాటిపై విచారణలు చేయిస్తుండడంతో వారిలో ఆందోళన పెరిగిపోతుంది.175 స్థానాలకు గాను కేవలం 11 స్థానాల్లో మాత్రమే వైసిపి అభ్యర్థులు గెలుపొందడం, ఈ ఐదేళ్ల పాటు పార్టీలోనే ఉంటే అనేక ఇబ్బందులు ఎదుర్కోవాల్సి ఉంటుందని, వ్యక్తిగతంగా , రాజకీయంగా , ఆర్థికంగా అన్ని విధాలుగా ఇబ్బందులు తప్పవని భావిస్తున్న చాలామంది నేతలు ఇప్పటికే కూటమి పార్టీలోకి సర్దుకుంటున్నారు.ఆ పార్టీలో చేరేందుకు ఇష్టం లేనివారు … గతంలో కాంగ్రెస్ లో కీలకంగా వ్యవహరించిన వారు ఇప్పుడు మళ్ళీ చేరితే ఎలా ఉంటుందనే దానిపైన అంచనాలు వేసుకుంటున్నారట.
![Telugu Ap Cm Jagan, Ap, Congress, Jagan, Janasena, Kvpramachandra, Rahul Gandhi, Telugu Ap Cm Jagan, Ap, Congress, Jagan, Janasena, Kvpramachandra, Rahul Gandhi,](https://telugustop.com/wp-content/uploads/2024/07/janasena-AP-government-jagan-ap-cm-jagan-rahul-gandhi-KVP-Ramachandra-Rao.jpg)
ఏపీలో వైసీపీ( YCP ) క్రమక్రమంగా బలహీనం అవుతుందని, వైసిపి అధినాయకత్వం ఒంటెద్దు పోకడలు, రాజకీయ మిత్రులు లేకపోవడం , రాజకీయంగా సరైన దిశా నిర్దేశం లేకపోవడం ఇవన్నీ రాబోయే రోజుల్లో మరిన్ని ఇబ్బందులు తెస్తాయని భావిస్తున్న చాలామంది సీనియర్ నాయకులు కాంగ్రెస్ లో చేరితే ఎలా ఉంటుందని దానిపైన అంచనాలు వేసుకుంటున్నారు.ప్రస్తుతం దేశవ్యాప్తంగా కాంగ్రెస్ కు ఆదరణ పెరుగుతుండడం, ఏపీ పైన ఆ పార్టీ అధిష్టానం పూర్తిగా ఫోకస్ చేయడం, రాబోయే రోజుల్లో టిడిపి , జనసేన బిజెపి( TDP, Janasena, BJP ) కూటమికి ప్రత్యామ్నాయంగా కాంగ్రెస్ బలపడుతుందనే నమ్మకంతో ఆ పార్టీలో చేరేందుకు చాలామంది ఆసక్తి చూపిస్తున్నారు.గతంలో కాంగ్రెస్ నుంచి వచ్చిన సీనియర్ నాయకులు ప్రస్తుతం వైసీపీలో కొనసాగుతూ ఉండడంతో , మళ్ళీ వారంతా తమకున్న పరిచయాలతో కాంగ్రెస్ అగ్ర నాయకులతో సంప్రదింపులు చేస్తూ, పార్టీలో చేరేందుకు ఆసక్తి చూపిస్తున్నారట.ఇప్పటికే వైసీపీలోని సీనియర్ నాయకులను కాంగ్రెస్ వైపు తీసుకొచ్చే విధంగా కెవిపి రామచంద్ర రావు తెర వెనుక తతంగం నడిపిస్తున్నట్లు సమాచారం.
![Telugu Ap Cm Jagan, Ap, Congress, Jagan, Janasena, Kvpramachandra, Rahul Gandhi, Telugu Ap Cm Jagan, Ap, Congress, Jagan, Janasena, Kvpramachandra, Rahul Gandhi,](https://telugustop.com/wp-content/uploads/2024/07/YSRCP-congress-TDP-janasena-AP-government-jagan-ap-cm-jagan-KVP-Ramachandra-Rao.jpg)
వైయస్సార్ జయంతి సమయంలో కేవీపీ ( KVP Ramachandra Rao )చేసిన వ్యాఖ్యలు దీనికి నిదర్శనంగా కనిపిస్తున్నాయి. వైసీపీలోని చాలామంది కీలక నాయకులు కాంగ్రెస్ వైపు చూస్తున్నారని ప్రకటించారు .కేంద్ర బడ్జెట్ సమావేశాల తర్వాత రాహుల్ గాంధీ టూర్ ఏపీలో ఉంటుందని , ఆ సమయంలో వైసీపీ నుంచి పెద్ద ఎత్తున నాయకులు కాంగ్రెస్ లో చేరబోతున్నట్లుగా ప్రచారం జరుగుతోంది.అదే గనుక జరిగితే ఇప్పటికే అనేక కష్టాల్లో ఉన్న వైసిపి మరిన్ని రాజకీయ ఇబ్బందులు ఎదుర్కోవాల్సి ఉంటుంది.