వంశీ పైడిపల్లి దర్శకత్వంలో దళపతి విజయ్ హీరోగా నటిస్తున్న తాజా చిత్రం వారసుడు.ఈ సినిమాను శ్రీ వెంకటేశ్వర క్రియేషన్స్ బ్యానర్ పై నిర్మాత దిల్ రాజు శిరీష్ సంయుక్తంగా నిర్మిస్తున్న విషయం తెలిసిందే.ఈ సినిమా తమిళ, తెలుగు భాషల్లో విడుదల కానుంది.కదా విజయ్ అభిమానులు ఈ సినిమా ఎప్పుడెప్పుడు విడుదల అవుతుందా అని ఎంతగానో ఎదురు చూస్తున్నారు.కాగా ప్రస్తుతం ఈ సినిమాకు సంబంధించిన షూటింగ్ చెన్నైలో జరుగుతోంది.ఇది ఇలా ఉంటే గత కొద్ది రోజులుగా సోషల్ మీడియాలో విజయ్ అభిమానులు వారసుడు సినిమా అప్ డేట్స్ ఇవ్వాలి అంటూ రచ్చ రచ్చ చేస్తున్నారు.
దీంతో ఇటీవల దీపావళి పండుగ సందర్భంగా వారసుడు సినిమా నుంచి కొన్ని వర్కింగ్ స్టిల్స్ ని విడుదల చేశారు మూవీ.ఇది ఇలా ఉంటే తాజాగా ఈ సినిమాకు సంబంధించిన 10 స్టిల్స్ ని ఒకేసారి విడుదల చేశారు.
ప్రస్తుతం వారసుడు సినిమాకు సంబంధించిన లేటెస్ట్ స్టిల్స్ ఫోటోస్ సోషల్ మీడియాలో తెగ వైరల్ అవుతున్నాయి.విజయ అభిమానులు ఈ ఫోటోలను చూసి సంతోషం వ్యక్తం చేస్తున్నారు.
అంతే కాకుండా ఆ ఫోటోలను పెట్టి చూస్తే వారసుడు సినిమాలో విజయ్ సరికొత్త లుక్ లో కనిపించబోతున్నట్టు తెలుస్తోంది.ఆ ఫోటోలలో విజయ్ తో పాటు రష్మిక మందన, కుష్బూ లు కూడా కనిపించారు.
అలాగే విజయ్, వెటరన్ హీరోయిన్ జయసుధ, దర్శకుడు వంశీ పైడిపల్లి షూటింగ్ లొకేషన్ వర్కింగ్ స్టిల్స్ అభిమానులను విపరీతంగా ఆకట్టుకుంటున్నాయి.కాగా వారసుడు సినిమా 2023 సంక్రాంతికి విడుదల చేయబోతున్నట్లు ఇటీవల దీపావళి పండుగ సందర్భంగా ప్రకటించిన విషయం తెలిసిందే.కాగా ఈ సినిమాలో ప్రభు, శరత్ కుమార్, ప్రకాష్ రాజ్, జయసుధ, శ్రీకాంత్, షామ్, యోగి బాబు, సంగీత, సంయుక్త కీలకపాత్రలలో నటిస్తున్నారు.కాగా ఈ సినిమా తెలుగు తమిళ భాషల్లో ఒకేసారి విడుదల కానుంది.
ఇప్పటికే ఈ సినిమాపై భారీగా అంచనాలు నెలకొన్నాయి.