మన దేశంలో పిల్లలు ఆల్ఫాబెట్స్ నేర్చుకుంటున్నప్పుడు ఏ ఫర్ యాపిల్, బీ ఫర్ బాల్ అని మొదలు పెడతారు.అయితే మన దేశం పూర్వం నుంచి హిందూ దేశం.
హిందువులు అధికంగా ఉండే ఈ దేశంలో రాజ్యాంగం, లౌకిక దృక్పథంతో ముందుకు సాగుతున్నందున పాఠ్యాంశాలలో హిందూ పురాణాల గురించి తక్కువగా చెబుతున్నారు.అయితే కొందరు మాత్రం హిందూ ధర్మం గురించి, పురాణాల గురించి ప్రజల్లో అవగాహన పెంచుతున్నారు.
ముఖ్యంగా చిన్నారులకు బాల్యం నుంచి హిందూ ధర్మాన్ని బోధిస్తున్నారు.తాజాగా ఉత్తరప్రదేశ్‌ లక్నోలోని అమీనాబాద్ ఇంటర్ కాలేజీ టీచర్లు వినూత్న కార్యక్రమానికి శ్రీకారం చుట్టారు.
చిన్నారులకు A అంటే అర్జునుడు, B ఫర్ బలరాముడు, C అంటే చాణక్యుడు, D అంటే ధృవుడు, E అంటే ఏకలవ్య, F అంటే నాలుగు వేదాలు, G అంటే గాయత్రి, H అంటే హనుమంతుడు, I అంటే ఇంద్రుడు ఇలా బోధిస్తున్నారు.దీనికి సంబంధించిన ఆసక్తికర విషయాలిలా ఉన్నాయి.
కళాశాల ప్రిన్సిపల్ సాహెబ్ లాల్ మిశ్రా మీడియాతో మాట్లాడుతూ కీలక విషయాలను వెల్లడించారు.విద్యార్థులకు భారతీయ సంస్కృతి గురించి తక్కువ జ్ఞానం ఉందని చెప్పారు.వారి జ్ఞానాన్ని పెంచడానికి దీన్ని చేసినట్లు వెల్లడించారు.పాఠశాల రూపొందించిన ఆల్ఫాబెట్ చార్ట్‌లో పౌరాణిక, చారిత్రాత్మక వ్యక్తుల పేర్లు, చిత్రాలే కాకుండా వాటి వివరణలను కూడా ఉంచినట్లు తెలిపారు.
ఉదాహరణకు, అర్జునుడు ‘గొప్ప యోధుడిగా, చాణక్యుడు ఆదర్శ గురువు’గా వర్ణించబడ్డాడు.పిల్లలు వారి మూలాలతో సన్నిహితంగా ఉండేలా పాఠశాల ప్రయత్నాలు ఇక్కడితో ముగియవు.హిందీ వర్ణమాల (వర్ణమాల)లో కూడా ఇదే పద్ధతిని అనుసరించడానికి ప్రయత్నిస్తున్నట్లు ప్రిన్సిపాల్ పేర్కొన్నారు.ఈ పాఠశాలను నగర్ నిగమ్ నడుపుతున్నారు.
దీనిని స్వాతంత్ర్యానికి పూర్వమే 1897లో స్థాపించారు.ఇది యూపీ రాజధాని లక్నోలో ఉంది.125 సంవత్సరాల పురాతన చరిత్ర దీనికి ఉంది.
తెలుగు వార్త విశేషాలు సులభముగా తెలుసుకోండి!!!!
