నేచరుల్ స్టార్ నాని నటిస్తున్న లేటెస్ట్ మూవీ ‘వి’ రిలీజ్‌కు రెడీ అయ్యింది.ఈ సినిమాను ఇంద్రగంటి మోహనకృష్ణ డైరెక్ట్ చేస్తుండగా ఇప్పటికే ఈ సినిమా పోస్టర్స్, టీజర్ ప్రేక్షకులను ఆకట్టకున్నాయి.
ఈ సినిమాతో నాని మరోసారి తెలుగు ప్రేక్షకులను మెప్పించేందుకు రెడీ అవుతున్నాడు.
ఈ సినిమాలో నాని తొలిసారి నెగెటివ్ రోల్‌లో నటిస్తుండటంతో ఈ సినిమా ఎలా ఉంటుందా అనే ఆసక్తి సర్వత్రా నెలకొంది.
ఇక ఈ సినిమాలో మరో హీరో సుధీర్ బాబు నటిస్తుండటం, నివేదా థామస్, అదితి రావు హైదరి హీరోయిన్‌లుగా నటిస్తుండటంతో ఈ సినిమాలో ఎలాంటి ట్విస్టులు ఉంటాయా అని అందరూ ఆసక్తిగా చూస్తున్నారు.కాగా ఈ సినిమా తరువాత నాని టక్ జగదీష్ అనే సినిమాను కూడా తెరకెక్కిస్తున్నాడు.
కానీ ప్రస్తుతం లాక్ డౌన్ కారణంగా ఈ రెండు సినిమాలు కూడా తమ రిలీజ్ డేట్‌లను వాయిదా వేసుకున్నాడు.
వి చిత్రాన్ని మార్చి చివరినాటికి రిలీజ్ చేయాలని చూసినా అది సాధ్యం కాకపోవడంతో, ఈ సినిమాను జూన్‌లో రిలీజ్ చేసేందుకు చిత్ర యూనిట్ రెడీ అవుతోంది.
కాగా టక్ జగదీష్ చిత్రాన్ని జూలై నుండి సెప్టెంబర్‌కు వాయిదా వేయాలని నాని అనుకుంటున్నాడు.మరి ఈసారైనా అనుకున్న సమయాలకు రెండు సినిమాలు రిలీజ్ అవుతాయా లేదా అనేది చూడాలి.
