తెలంగాణలో ఎన్నికలకు మరికొద్ది రోజులు మాత్రమే సమయం ఉండటంతో గులాబీ బాస్, సీఎం కేసీఆర్ ప్రచారాన్ని హోరెత్తిస్తున్నారు.రాష్ట్ర వ్యాప్తంగా నియోజకవర్గాల్లో సుడిగాలి పర్యటనలు చేస్తున్నారు.
ఇందులో భాగంగా ఇప్పటికే యాభైకి పైగా నియోజకవర్గాలను చుట్టేసిన కేసీఆర్ ఇవాళ జనగామ జిల్లాలో పర్యటించనున్నారు.ఈ క్రమంలోనే చేర్యాలలో జరగనున్న బీఆర్ఎస్ ప్రజా ఆశీర్వాద సభలో పాల్గొననున్నారు.
జనగామ నియోజకవర్గ అభ్యర్థి పల్లా రాజేశ్వర్ రెడ్డికి మద్ధతుగా కేసీఆర్ ప్రచారం చేయనున్నారు.కాగా కేసీఆర్ పర్యటన, ప్రచారం నేపథ్యంలో గులాబీ శ్రేణులు ఏర్పాట్లు ముమ్మరం చేశారు.
అలాగే ప్రజా ఆశీర్వాద సభకు భారీగా జనసమీకరణ చేస్తున్నారు.
