బాలీవుడ్ దర్శకుడుగా మంచి పేరు సంపాదించుకున్నటువంటి వివేక్ అగ్నిహోత్రి (Vivek Agnihothri) వివాదాలకు కేంద్ర బిందువుగా నిలిచారు.ఈయన ది కాశ్మీర్ ఫైల్స్ సినిమా ద్వారా కమర్షియల్ గా ఎంతో మంచి సక్సెస్ అందుకున్నప్పటికీ కొన్ని వివాదాలను కూడా ఎదుర్కొన్నారని చెప్పాలి.
ఇలా దర్శకుడిగా ఇండస్ట్రీలో కొనసాగుతున్నటువంటి ఈయన తరచూ బాలీవుడ్ సెలబ్రిటీల గురించి కూడా వివాదాస్పద వ్యాఖ్యలు చేస్తూ వార్తల్లో నిలుస్తున్నారు.అయితే ఈ మధ్యకాలంలో వివేక్ పాన్ ఇండియా స్టార్ హీరో ప్రభాస్ (Prabhas) ను టార్గెట్ చేశారని తెలుస్తోంది.
ఈ క్రమంలోనే ప్రభాస్ గురించి వివేక్ పలు సందర్భాలలో మాట్లాడుతూ తనపై సెటైర్స్ వేయడమే కాకుండా ప్రభాస్ సినిమాలను తాను ఓడిస్తాను అంటూ శపదాలు చేస్తున్నారని తెలుస్తోంది.ఇప్పటికే ప్రభాస్ నటించిన రాధే శ్యామ్ (Radhe Shyam) చిత్రాన్ని తన కాశ్మీర్ ఫైల్స్ (The Kashmir Files) చిత్రం ఓడిపోయేలా చేసిందని తెలిపారు.అదేవిధంగా ప్రభాస్ నటించిన సలార్ (Salaar)సినిమాని కూడా ది వ్యాక్సిన్ వార్(The Vaccine War) సినిమాతో ఓడిపోయేలా చేస్తానని ఈయన ఛాలెంజ్ చేస్తున్నట్లు వార్తలు వచ్చాయి.అయితే ఈ వార్తలపై స్పందించినటువంటి వివేక్ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
ఈ సందర్భంగా ఈయన మాట్లాడుతూ… నేను అనని మాటలను నేను చెప్పానంటూ ఎవరో కావాలని ఇలాంటి ప్రచారం చేస్తున్నారని తెలిపారు.నాకు ప్రభాస్ అంటే గౌరవం, ప్రభాస్ పెద్ద స్టార్.ఆయన భారీ చిత్రాలు చేస్తారు.మేము తక్కువ బడ్జెట్ తో స్టార్స్ లేకుండా చిన్న సినిమాలు చేసుకునే వాళ్ళం ఆయనతో మాకు పోలిక ఏంటి అంటూ ఈయన ట్వీట్ చేశారు.
అయితే తన సినిమాలకు స్టార్స్ లేకపోయినా సోషల్ మూవీస్ చేసి హిట్టు కొట్టే మాతో ప్రభాస్ కి పోలిక ఏంటి అంటూ ఎగతాళి చేసినట్టే ఈ ట్వీట్ చేశారని ప్రభాస్ ఫ్యాన్స్ తీవ్రస్థాయిలో డైరెక్టర్ వివేక్ అగ్నిహోత్రిపై ఫైర్ అవుతున్నారు.
