టీడీపీ జాతీయ ప్రధాన కార్యదర్శి నారా లోకేష్ “యువగళం” పాదయాత్ర మంచి జోరు మీద సాగుతోంది.ప్రజా సమస్యల విషయంలో వైసీపీ ప్రభుత్వాన్ని తనదైన శైలిలో నిలదీస్తున్నారు.
హామీలు నెరవేర్చకపోతే వాటిని కూడా ప్రస్తావిస్తున్నారు.ఇదే సమయంలో ప్రజలు చెప్పే బాధలను కూడా చాలా ఓపికగా వింటూ.
టీడీపీ అధికారంలోకి వస్తే చేయబోయే పనులను అర్థమయ్యే రీతిలో వివరిస్తున్నారు.మంత్రి పెద్దిరెడ్డి నియోజకవర్గ పుంగనూరులో లోకేష్ పాదయాత్ర కొనసాగుతోంది.
ఈ క్రమంలో పెద్దిరెడ్డి పై తనదైన శైలిలో విమర్శల వర్షం కురిపించారు.
మంత్రి పెద్దిరెడ్డి ఆధ్వర్యంలోనే భూకబ్జాలు ఇసుక దోపిడి జరుగుతుందని లోకేష్ ఆరోపించారు.
టీడీపీ అధికారంలోకి వచ్చాక ఆయన దోచుకున్నది మొత్తం కక్కిస్తామని ప్రజలకు కానుకగా ఇస్తామని స్పష్టం చేశారు.సీఎం జగన్ ప్రజలకు ఇచ్చిన హామీల అమలులో విఫలమయ్యారని లోకేష్ సంచలన వ్యాఖ్యలు చేశారు.
ఇచ్చిన హామీలన్నీ అమలు చేశారని చెబితే.నా చేతిలో ఉన్న మైక్ ఇచ్చేస్తా అని సవాల్ విసిరారు.
వైసీపీ హయాంలో అందరూ బాధితులే.ఏపీని గంజాయి హబ్ గా మార్చేశారని విమర్శించారు.2024 మేలో చంద్రబాబు ముఖ్యమంత్రిగా ప్రమాణ స్వీకారం చేస్తారని లోకేష్ పుంగనూరులో జరుగుతున్న పాదయాత్రలో ఆశాభావం వ్యక్తం చేశారు.
