శ్రీదేవి డ్రామా కంపెనీ కార్యక్రమం ద్వారా ఎంతోమంది స్టార్ సెలబ్రిటీలుగా మారిపోయారు.ఇలా టాలెంట్ ఉన్న ఎంతోమందిని గుర్తించి వారిని ఈ వేదికగా ప్రేక్షకులకు పరిచయం చేసిన ఘనత శ్రీదేవి డ్రామా కంపెనీ కార్యక్రమానికి ఉందని చెప్పాలి.
ఇకపోతే తాజాగా ఈ కార్యక్రమానికి సంబంధించిన ప్రోమో విడుదల చేశారు.ఈ ప్రోమోలో భాగంగా డాన్సర్లు బుల్లితెర నటీనటులు కమెడియన్స్ పెద్ద ఎత్తున ఆటపాటలతో సందడి చేశారు.
ఇక ఈ కార్యక్రమానికి న్యాయ నిర్ణేతగా వ్యవహరిస్తున్నటువంటి ఇంద్రజ సైతం ప్రేక్షకులను తనదైన శైలిలో మెప్పించారు.
గత ఎపిసోడ్లో ఇంద్రజ శ్రీదేవి డ్రామా కంపెనీ వేదికపై మాస్ పెర్ఫార్మెన్స్ తో రెచ్చిపోయి ప్రేక్షకులను సందడి చేశారు.
ఇక వచ్చేవారం ప్రసారం కాబోయే ఎపిసోడ్లో భాగంగా ఈమె తనలో ఉన్నటువంటి మరో టాలెంట్ కూడా బయటపెట్టారు.నటిగా ఎంతో మంచి గుర్తింపు సంపాదించుకున్న ఇంద్రజ మాస్ పర్ఫామెన్స్ ద్వారా ప్రేక్షకులను సందడి చేయడమే కాకుండా తాజాగా తనలో ఉన్నటువంటి సింగర్ ను కూడా బయటపెట్టారు.
డిసెంబర్ 19వ తేదీ ప్రసారం కాబోయే శ్రీదేవి డ్రామా కంపెనీ కార్యక్రమంలో భాగంగా ఇంద్రజ మైక్ చేత పట్టుకుని ఏదో ఒక రాగం పిలిచింది ఈ వేళ అనే పాటను ఎంతో అద్భుతంగా ఆలపించారు.ఈమె పాట పాడుతూ ఉండగా అక్కడ ఉన్నటువంటి ప్రతి ఒక్కరు కూడా ఎంతో మైమర్చిపోయారు.అచ్చం ప్రొఫెషనల్ సింగర్ గా ఈమె ఎంతో అద్భుతంగా పాట పాడి అందరి మన్ననలు పొందారు.ప్రస్తుతం ఈ కార్యక్రమానికి సంబంధించిన ఈ ప్రోమో సోషల్ మీడియాలో వైరల్ గా మారింది.
