యంగ్ టైగర్ జూనియర్ ఎన్టీఆర్ అభిమానించే హీరోలు ఎవరనే ప్రశ్నకు సీనియర్ ఎన్టీఆర్, బాలకృష్ణ పేర్లు సమాధానంగా వినిపిస్తాయి.సీనియర్ ఎన్టీఆర్, బాలకృష్ణ సినిమాలను చూస్తూ జూనియర్ ఎన్టీఆర్ పెరిగారు.
బాలకృష్ణను తారక్ ప్రేమగా బాల బాబాయ్ అని పిలుస్తారనే సంగతి తెలిసిందే.బాలయ్యకు, జూనియర్ ఎన్టీఆర్ కు మధ్య దూరం ఉందని వార్తలు ప్రచారంలోకి వస్తున్నా జూనియర్ ఎన్టీఆర్ మాత్రం తమ మధ్య బేధాభిప్రాయాలు ఉన్నాయని ఎప్పుడూ చెప్పలేదు.
అయితే ఈ మధ్య కాలంలో బాలకృష్ణ, జూనియర్ ఎన్టీఆర్ ఒకే వేదికపై కనిపించిన సందర్భాలు లేవు.బాలయ్య పుట్టినరోజున జూనియర్ ఎన్టీఆర్ సోషల్ మీడియా వేదికగా విష్ చేయలేదని కొంతమంది నెగిటివ్ కామెంట్లు చేశారు.
అయితే చాలా సంవత్సరాల క్రితం బాలయ్య మూవీని చూస్తూ ఆ ఆనందంలో జూనియర్ ఎన్టీఆర్ ముందు సీటును విరగ్గొట్టారు.నరసింహ నాయుడు సినిమా షూట్ సమయంలో ఈ ఘటన చోటు చేసుకుంది.
ఊర్వశి థియేటర్ లో తాను నరసింహ నాయుడు సినిమాను చూశానని ఆ సినిమాలోని సన్నివేశాలను చూస్తున్న జోష్ లో ముందు ఉన్న సీట్ ను బలంగా కొట్టానని ఆ సీట్ విరిగిపోయిందని ఎన్టీఆర్ వెల్లడించారు.
బాలయ్య కెరీర్ లోని బిగ్గెస్ట్ హిట్లలో నరసింహ నాయుడు సినిమా కూడా ఒకటనే సంగతి తెలిసిందే.బాక్సాఫీస్ వద్ద ఈ సినిమా ఎన్నో సంచలన రికార్డులను సొంతం చేసుకోవడం గమనార్హం.
బాలయ్య, జూనియర్ ఎన్టీఆర్ కలిసి ఒక సినిమాలో నటిస్తే బాగుంటుందని అభిమానులు కోరుకుంటున్నారు.స్టార్ డైరెక్టర్లు ప్రయత్నిస్తే ఈ కాంబినేషన్ లో సినిమా తెరకెక్కే అవకాశాలు అయితే ఉంటాయని చెప్పవచ్చు.టాలీవుడ్ స్టార్ డైరెక్టర్లలో ఎవరైనా ఈ దిశగా అడుగులు వేస్తారేమో చూడాల్సి ఉంది.
అటు బాలయ్య ఇటు ఎన్టీఆర్ ప్రస్తుతం వరుస సినిమాలతో బిజీగా ఉన్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
