దేశ వ్యాప్తంగా సినీ ప్రేక్షకులు ఎంతగానో ఎదురు చూస్తున్న మోస్ట్ ఏవైటెడ్ సినిమా ఆర్ఆర్ఆర్.ఈ సినిమాను రాజమౌళి ఎంతో ప్రతిష్టాత్మకంగా తెరకెక్కించాడు.
ఇందులో టాలీవుడ్ స్టార్ హీరోలు అయిన మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ నటించారు.ఇందులో ఎన్టీఆర్ కొమరం భీమ్ గా నటిస్తుంటే.
రామ్ చరణ్ అల్లూరి సీతారామరాజుగా నటిస్తున్నాడు.
రామ్ చరణ్ కు జోడీగా ఆలియా భట్ నటిస్తుంటే, ఎన్టీఆర్ కు జోడీగా ఒలీవియా మోరిస్ నటిస్తుంది.
బాలీవుడ్ హీరో అజయ్ దేవగణ్ కూడా కీలక పాత్రలో నటిస్తున్నాడు.ఈయనకు జోడీగా శ్రీయ శరన్ నటిస్తుంది.
ఈ సినిమా వచ్చే ఏడాది జనవరి 7న సంక్రాంతి కానుకగా ప్రేక్షకుల ముందుకు రాబోతుంది.ఇక ఈ సినిమా విడుదల తేదీ దగ్గర పడుతుండడంతో ప్రమోషన్స్ లో కూడా వేగం పెంచేశాడు రాజమౌళి.
బాలీవుడ్ లో మరిన్ని ప్రమోషన్స్ చేపడుతూ అక్కడి మార్కెట్ పై కన్నేశాడు రాజమౌళి.ఇప్పటికే దాదాపు పలు ఇంటర్వ్యూలలో పాల్గొన్న రాజమౌళి, ఎన్టీఆర్, చరణ్ ఈ సినిమా ప్రమోట్ చేసే ఏ అవకాశాన్ని వదిలి పెట్టడం లేదు.
దీనిలో భాగంగానే ఇటీవలే కపిల్ శర్మ హిందీలో హోస్ట్ గా చేస్తున్న షోకు ఈ ముగ్గురితో పాటు ఆలియా భట్ కూడా విచ్చేసారు.ఇందులో కపిల్ శర్మ చాలా ఫన్నీ ప్రశ్నలు వేసి అందరిని నవ్వించే ప్రయత్నం చేసాడు.
చరణ్, ఎన్టీఆర్ మలయాళం లో మినహాయించి మిగిలిన అన్ని భాషల్లో సొంతంగా డబ్బింగ్ చెప్పుకున్నారు. ఈ షోలో ఈ విషయం గురించి ఆలియా భట్ మాట్లాడుతూ ”మీరు ఖచ్చితంగా ట్రైలర్ ని విని ఉంటే, జూనియర్ ఎన్టీఆర్, చరణ్ ఇద్దరు హిందీలో వారి సొంతంగా డబ్బింగ్ చెప్పుకున్నారు.
ప్రేక్షకులు వారి వాయిస్ తో అద్భుతమైన అనుభూతి పొందారు అని ఆలియా చెప్పుకొచ్చింది.
ఎన్టీఆర్ కూడా హిందీ డబ్బింగ్ గురించి ఈ షోలో మాట్లాడుతూ.పెద్దగా కష్టపడకుండానే హిందీలో ఎలా మాట్లాడగలనో అనేది తెలిపాడు.ఎన్టీఆర్.
హైదరాబాద్ ఎక్కువగా హిందీ మాట్లాడే నగరాల్లో ఒకటి.అలాగే పాఠశాలలో నా మొదటి భాష హిందీ.
ఎందుకంటే నేను ఈ భాష నేర్చుకోవాలి అని మా అమ్మ కోరుకుంది.ఇది మా జాతీయ భాష కాబట్టి.
అదే ఇప్పుడు నాకు సహాయ పడింది.అంతేకాదు ముంబై నుండి సినిమా కోసం పనిచేయడానికి వస్తూనే ఉంటారు.
కాబట్టి నాకు నెమ్మదిగా ఈ భాష అలవాటు అయ్యింది.అంటూ చెప్పుకొచ్చాడు ఎన్టీఆర్.
కపిల్ శర్మ షో ఎపిపోడ్ జనవరి 2న సోనీ ఎంటర్టైన్మెంట్ లో విడుదల కానుంది.
తెలుగు వార్త విశేషాలు సులభముగా తెలుసుకోండి!!!!
