సినిమా ఇండస్ట్రీలోకి ఎంటర్ అయ్యి జంబలకడిపంబ సినిమా ద్వారా ఎంతో మంచి గుర్తింపు సంపాదించుకున్న నటి ఆమని ఆ తర్వాత అమ్మ దొంగ, శుభలగ్నం,మిస్టర్ పెళ్ళాం వంటి విజయవంతమైన సినిమాల్లో నటించి ఎంతో మంచి గుర్తింపును సంపాదించుకున్నారు.హీరోయిన్ గా ఒకప్పుడు ఒక వెలుగు వెలిగిన ఆమని ప్రస్తుతం తన రెండవ ఇన్నింగ్స్ తల్లి పాత్రలో నటిస్తూ సందడి చేస్తున్నారు.
ఈ విధంగా సహాయ నటి పాత్రలో చేయడమే కాకుండా బుల్లితెరపై కూడా ఆమని సందడి చేస్తున్నారు.ఈ క్రమంలోనే తాజాగా మరొక నటి ఇంద్రజ తో కలిసి ఆలీతో సరదాగా కార్యక్రమంలో పాల్గొన్న ఈమె కొన్ని ఆసక్తికరమైన విషయాలను వెల్లడించారు.
తాజాగా ఆలీతో సరదాగా ఈ కార్యక్రమానికి సంబంధించిన ప్రోమో విడుదలైంది.ఈ ప్రోమోలో భాగంగా ఆమె మాట్లాడుతూ తను ఇండస్ట్రీలోకి వచ్చిన మొదట్లో ముఖ్యంగా బంధువులు కుటుంబ సభ్యుల నుంచి తాను ఎన్నో విమర్శలను ఎదుర్కొన్నానని ఈ సందర్భంగా తెలియజేశారు.
తనకు ఐదు సంవత్సరాల వయస్సు ఉన్నప్పుడే సినిమాలంటే ఎంతో పిచ్చి అని అప్పుడే జయసుధ, జయప్రద, శ్రీదేవి వంటి తారలను చూస్తూ వారి గురించి ఎక్కువగా ఆలోచించే దానినని ఈ సందర్భంగా తెలియజేశారు.
ఈ క్రమంలోనే తనకు దొంగతనం చేస్తే మామిడి పండ్లు తినడం అంటే ఎంతో ఇష్టమని తన ఇష్టాన్ని కూడా ఆమని అభిమానులతో పంచుకున్నారు.ఇక కెరీర్ విషయానికి వస్తే తాను సినిమా ఇండస్ట్రీలోకి వచ్చి సినిమాలలో నటించాలనే కోరిక ఉందని ఆ విషయాన్ని తన కుటుంబ సభ్యులతో చెప్పగా.అది విని మా కుటుంబ సభ్యులు ఎన్నో విమర్శలు చేశారని తెలిపారు.
అది సినిమాల్లో చేయడం ఏంటి? ఎవరితోనూ సరిగ్గా మాట్లాడదు, పైగా తనేమీ పెద్ద అందగత్తె కాదన్నారని ఈ సందర్భంగా ఆమని కెరియర్ మొదట్లో తాను ఎదుర్కొన్న విమర్శలను గురించి తెలియజేస్తూ కొంతవరకు ఎమోషనల్ అయ్యారు.ప్రస్తుతం ఈ కార్యక్రమానికి సంబంధించిన ప్రోమో సోషల్ మీడియాలో వైరల్ గా మారింది.
