యంగ్ టైగర్ ఎన్టీఆర్ ప్రస్తుతం టాలీవుడ్ బిగ్గెస్ట్ మల్టీస్టారర్ మూవీ ఆర్ఆర్ఆర్‌లో నటిస్తున్న సంగతి తెలిసిందే.దర్శకధీరుడు రాజమౌళి డైరెక్ట్ చేస్తున్న ఈ సినిమాలో తారక్ కొమురం భీం పాత్రలో నటిస్తున్నట్లు చిత్ర యూనిట్ గతంలోనే తెలిపింది.
ఇక ఈ సినిమాలో తారక్‌తో పాటు మెగా పవర్ స్టార్ రామ చరణ్ కూడా నటిస్తున్నాడు.చరణ్ ఈ సినిమాలో అల్లూరి సీతారామరాజు పాత్రలో నటిస్తున్నాడు.
ఇటీవల చరణ్ పాత్రకు సంబంధించిన ఫస్ట్ లుక్ రిలీజ్ చేయగా దానికి అదిరిపోయే రెస్పాన్స్ వచ్చింది.దీంతో ఎన్టీఆర్‌కు సంబంధించిన ఫస్ట్ లుక్ ఎప్పుడు వస్తుందా అని అందరూ ఎదురుచూస్తున్నారు.
అయితే ఈ సినిమాలో తారక్ మూడు పాత్రల్లో నటిస్తున్నాడని గతంలో వార్తలు హల్‌చల్ చేశాయి.కానీ ఈ వార్తలో నిజం లేదని తెలుస్తోంది.
ఈ సినిమాలో తారక్ కొమురం భీం పాత్రతో పాటు ప్రస్తుత కాలానికి చెందిన గెటప్‌లో కనిపిస్తాడు.అంటే తారక్ ఆర్ఆర్ఆర్‌లో కేవలం రెండు పాత్రల్లో మాత్రమే కనిపిస్తాడని తెలుస్తోంది.
చరణ్‌తో కలిసి తారక్ చేసే యాక్షన్ ఈ సినిమాకు మేజర్ హైలైట్ కానుందని తెలుస్తోంది.కాగా ఈ సినిమాలో బాలీవుడ్ నటుడు అజయ్ దేవ్గన్ ఓ కీలక పాత్రలో నటిస్తున్నాడు.
ఆలియా భట్, ఒలివియా మారిస్ హీరోయిన్లుగా నటిస్తున్న ఈ సినిమాను అత్యంత భారీ బడ్జెట్‌తో డివివి దానయ్య ప్రొడ్యూస్ చేస్తుండగా వచ్చే జనవరి 8న రిలీజ్ చేసేందుకు చిత్ర యూనిట్ ప్లాన్ చేస్తున్నారు.ఇక తారక్ పుట్టినరోజైన మే 20న ఎన్టీఆర్ ఫస్ట్ లుక్‌ను రిలీజ్ చేసేందుకు చిత్ర యూనిట్ ప్లాన్ చేస్తోంది.
