టాలీవుడ్ లో కమర్షియల్ హీరోగా తనని తాను ప్రాజెక్ట్ చేసుకోవడానికి ప్రయత్నం చేస్తున్న యంగ్ హీరో సందీప్ కిషన్.అయితే ఈ కుర్ర హీరోకి హిట్స్ కంటే ఫ్లాప్స్ ఎక్కువగా వస్తున్నాయి.
గత ఏడాది తెనాలి రామకృష్ణ సినిమాతో సందీప్ కిషన్ ప్రేక్షకుల ముందుకి వచ్చాడు.అయితే ఈ సినిమా డిజాస్టర్ అయ్యింది.
ప్రస్తుతం ఏ1 ఎక్స్ ప్రిక్స్ అనే సినిమా చేస్తున్నాడు.ఈ సినిమాలో లావణ్య త్రిపాఠి హీరోయిన్ గా నటిస్తుంది.
ఇదిలా ఉంటే ఇప్పుడు మరో కొత్త సినిమాని సందీప్ కిషన్ స్టార్ట్ చేశాడు.తెనాలి రామకృష్ణతో ఫ్లాప్ ఇచ్చిన జి.నాగేశ్వర్ రెడ్డి దర్శకత్వంలో ఇప్పుడు కొత్త సినిమా చేస్తున్నాడు.సాయి పల్లవి, ధనుష్ సూపర్ హిట్ సాంగ్ అయిన రౌడీ బేబీ అనే టైటిల్ ని ఈ సినిమాకి కన్ఫర్మ్ చేశారు.
ఇక ఈ సినిమాకి సంబంధించి టైటిల్ పోస్టర్ ని కూడా తాజా రిలీజ్ చేశారు.
విశాఖలో ఈ ప్రారంభోత్సవ కార్యక్రమం జరిగింది.
కోన వెంకట్ సమర్పణలో ఎంవీవీ సత్యనారాయణ ఈ సినిమాని నిర్మిస్తున్నారు.ఇక ఈ సినిమాకి సంగీతాన్ని ఈ మధ్యకాలంలో సోషల్ మీడియాలో బాగా ఫేమస్ అయినా చౌరస్తా బ్యాండ్ రామ్ అందిస్తున్నారు.
ఇక ఈ సినిమాలో కృతి శెట్టి హీరోయిన్ గా కనిపించబోతుందని తెలుస్తుంది.కమర్షియల్ ఎంటర్టైనర్ గానే ఈ సినిమాని నాగేశ్వర్ రెడ్డి ఆవిష్కరించబోతున్నట్లు బోగట్టా.
జనవరి ఫెస్టివల్ తర్వాత ఈ సినిమా రెగ్యులర్ షూటింగ్ స్టార్ట్ అవుతుంది.మరి సాయి పల్లవి సూపర్ హిట్ సాంగ్ టైటిల్ తో తెరకెక్కుతున్న ఈ సినిమాలో సందీప్ కిషన్ కి ఎంత వరకు హిట్ ఇస్తుంది అనేది చూడాలి.
