ఏదైనా వ్యాది వస్తే మనుషులు నోటితో చెప్పుకుంటారు.అదే మూగజీవాలు మాత్రం ఎవరితో చెప్పుకుంటాయి.
తగ్గితే బ్రతుకుతాయి.లేదంటే మరణిస్తాయి.
ఇక కరోనా వల్ల మనుషులతో పాటుగా ఎన్నో మూగ ప్రాణులు మరణించిన విషయం తెలిసిందే.
ఈ నేపధ్యంలో మనుషుల కోసం కోవిడ్ టీకాను చేసిన దేశాలు జంతువుల కోసం మాత్రం ఏ వ్యాక్సిన్ కనుగొనలేకపోయాయి.
అయితే ప్రపంచంలోని ఒక దేశం అయిన రష్యామాత్రం జంతువుల‌కు ఇచ్చే కోవిడ్ టీకాను తయారు చేస్తున్న‌ది.ప్ర‌స్తుతం క్లినిక‌ల్ ట్ర‌య‌ల్స్ దశలో ఈ వ్యాక్సిన్ ఉన్నట్లుగా రష్యా వెల్లడిస్తుంది.
అయితే ర‌ష్యాకు చెందిన వ్య‌వ‌సాయ సంబంధిత శాఖ రూజుల్ కోజ్‌న‌డార్ ఈ టీకాలను ఉత్ప‌త్తి చేస్తున్న‌ది.జంతువుల‌కు ఇచ్చే కోవిడ్ టీకాకు కార్నివాక్‌-కోవ్ అనే పేరు కూడా పెట్టారని వెల్లడిస్తున్నారు.
ఇక ఈ టీకాలను కుక్కలు, పిల్లులు, న‌క్క‌లు, మింక్ జంతువుల‌కు ఇవ్వ‌వ‌చ్చు అని రష్యా పేర్కొన్న‌ది.కాగా ఈ వ్యాక్సిన్ల ఉత్ప‌త్తి ఏప్రిల్ నుంచి భారీ మొత్తంలో ప్రారంభం అవుతుంద‌ని ఇక్కడి అధికారులు వెల్లడిస్తున్నారట.
