పుష్పను రిజెక్ట్ చేసి మహేష్ మంచి పనే చేశారా.. నెటిజన్లు ఏమన్నారంటే?

ఐకాన్ స్టార్ అల్లు అర్జున్ నటించిన పుష్ప సినిమాకు పాజిటివ్ టాక్ వచ్చినా ఈ సినిమా అన్ని వర్గాల ప్రేక్షకుల మెప్పును పొందడంలో విఫలమైంది.సుకుమార్ స్థాయి సినిమా పుష్ప కాదని కొంతమంది కామెంట్లు చేస్తున్నారు.

బాహుబలి పార్ట్1లో కట్టప్ప బాహుబలిని ఎందుకు చంపాడు అనే ట్విస్ట్ రెండో పార్ట్ పై ఆసక్తి పెంచితే పుష్పలో మాత్రం అలాంటి క్లైమాక్స్ లేకపోవడం గమనార్హం.బన్నీ అభిమానులకు పుష్ప నచ్చినా సాధారణ ప్రేక్షకులను ఈ సినిమా పూర్తిస్థాయిలో మెప్పించలేదు.

అయితే పుష్ప సినిమా మహేష్ బాబు రిజెక్ట్ చేసిన సినిమా అనే సంగతి తెలిసిందే.రంగస్థలం సక్సెస్ తర్వాత సుకుమార్ మహేష్ బాబుకు కథ చెప్పగా క్రియేటివ్ డిఫరెన్సెస్ వల్ల ఈ ప్రాజెక్ట్ లో నటించడం లేదని సోషల్ మీడియాలో మహేష్ బాబు వెల్లడించారు.

అయితే పుష్ప కథను మహేష్ బాబు రిజెక్ట్ చేయడం గురించి అప్పట్లో వేర్వేరు వార్తలు ప్రచారంలోకి వచ్చాయి.అయితే పుష్ప సినిమాను చూసిన నెటిజన్లు ఈ పాత్ర మహేష్ కు సూట్ కాదని కామెంట్లు చేస్తున్నారు.

పుష్పను రిజెక్ట్ చేసి మహేష్ బాబు మంచి పనే చేశారని నెటిజన్లు వెల్లడిస్తున్నారు.పుష్పరాజ్ లాంటి ఊరమాస్ పాత్ర మహేష్ బాబుకు సూట్ కాదు.

పుష్ప లుక్ లో మహేష్ ను ఊహించుకోవడం కూడా కష్టమని మహేష్ ఫ్యాన్స్ అభిప్రాయపడుతున్నారు.అయితే భవిష్యత్తులో మహేష్ బాబు సుకుమార్ కాంబినేషన్ లో సినిమా వస్తుందేమో చూడాల్సి ఉంది.

మహేష్ బాబు సుకుమార్ కాంబినేషన్ లో తెరకెక్కిన 1 నేనొక్కడినే సినిమా క్లాసిక్ అనిపించుకున్నప్పటికీ ఒక వర్గం ప్రేక్షకులకు ఆ సినిమా నచ్చలేదు.1 నేనొక్కడినే నిర్మాతలకు భారీ మొత్తంలో నష్టాలను మిగల్చడం గమనార్హం.పుష్ప పార్ట్1 అంచనాలను అందుకోకపోయినా పుష్ప పార్ట్2 తో సుకుమార్ మెప్పిస్తారేమో చూడాల్సి ఉంది.