పెళ్లిలో నలుగురికి మంచి భోజనం పెట్టి వారి ఆశీర్వాదం తీసుకోవాలని అందరూ చూస్తారు.అయితే పిలిచిన పెళ్లికి వెళ్లడానికే సమయం దొరకని ఈ రోజుల్లో పిలవని పేరంటానికి భోజనం కోసం వచ్చిన ఇద్దరు వ్యక్తులు కిరాతకానికి ఒడిగట్టిన ఘటన అమెరికాలోని కాలిఫోర్నియాలో చోటు చేసుకుంది.
జాయ్ మెల్గాజ్(30) ఘనంగా తన వివాహ వేడుకను జరుపుకున్నాడు.కాగా పెళ్లి అనంతరం గ్రాండ్ రిసెప్షన్ పార్టీ ఇచ్చాడు.ఈ రిసెప్షన్ పార్టీలో భోజనం చేసేందుకు క్యాస్టానెదా రమిరెజ్(28) అతడి సోదరుడు జోస్యూ క్యాస్టానెదా రమిరెజ్‌లు వచ్చారు.వారిని ఈ వేడుకకు జాయ్ పిలవలేదు.
అయితే వారిని గుర్తుపట్టిన జాయ్ కుటుంబ సభ్యులు, వారిని ఆ వేడుక నుండి వెళ్లగొట్టారు.ఇది అవమానంగా భావించిన ఆ ఇద్దరు సోదరులు, జాయ్ మెల్గాజ్ తన భార్యతో కలిసి ఇంటికి వెళ్లే సమయంలో గొడవకు దిగారు.
తమ వెంట తెచ్చుకున్న బ్యాట్లతో జాయ్ మరియు అతడి కుటుంబ సభ్యులపై దాడి చేశారు.ఈ దాడిలో జాయ్ తీవ్రంగా గాయాలపాలై అక్కడికక్కడే మృతిచెందాడు.కాగా ఈ దారుణానికి ఒడిగట్టిన ఇద్దరు సోదరులను పోలీసులు అరెస్ట్ చేశారు.కాగా పెళ్లయిన కొన్ని క్షణాల్లోనే పెళ్లికొడుకు మృతిచెందడంతో ఆ వధువు కన్నీరుమున్నీరయింది.
తెలుగు వార్త విశేషాలు సులభముగా తెలుసుకోండి!!!!
