రాజన్న సిరిసిల్ల జిల్లా బోయినపల్లి మండల కేంద్రంలో బిఆర్ఎస్ మండల అధ్యక్షులు కత్తెర పాక కొండయ్య అధ్వర్యంలో ఎమ్మెల్సీ కవిత(MLC Kavitha) పై అనుచిత వ్యాఖ్యలను నిరసిస్తూ రాష్ట్ర బిజెపి అధ్యక్షులు బండి సంజయ్(Bandi Sanjay) దిష్టిబొమ్మ దగ్ధం చేసిన బిఆర్ఎస్ నాయకులు .అనంతరం స్థానిక పోలీస్ స్టేషన్ లో ఎస్సై అభిలాష్ కు(SI Abhilash) బండి సంజయ్ పై ఫిర్యాదు చేశారు.
ఈ సందర్భంగా జెడ్పిటిసి కత్తెరపాక ఉమా కొండయ్య మాట్లాడుతూ ఓ మహిళ అని చూడకుండా బండి సంజయ్ మాట్లాడడం సరికాదనీ అన్నారు.ఈడి కేసులో ఎమ్మెల్సీ కవితను ‘అరెస్ట్ చేయకుంటే ముద్దు పెట్టుకుంటారా’ అన్న వ్యాఖ్యలను తీవ్రంగా ఖండిస్తూ అటువంటి వ్యాఖ్యలు చేసిన బండి సంజయ్ బేశరత్తుగా క్షమాపణ చెప్పాలని డిమాండ్ చేశారు .లేనియెడల బండి సంజయ్ ఇంటిని ముట్టడించి క్షమాపణ చెప్పే వరకు వదిలిపెట్టేది లేదని అన్నారు.ఈ కార్యక్రమంలో మార్కెట్ కమిటీ చైర్మన్ లెంకాల సత్యనారాయణ రెడ్డి, మార్కెట్ కమిటీ వైస్ చైర్మన్ చిక్కాల సుధాకర్ రావు, రైతు సమన్వయ సమితి అధ్యక్షులు కొనికటి లచ్చిరెడ్డి, బి ఆర్ ఎస్ మండల అధ్యక్షులు కత్తెరపాక కొండయ్య, సర్పంచ్లు గుంటి లతా శ్రీ, చింధం రమేష్, కన్నం మధు బిఆర్ఎస్ నాయకులు తదితరులు పాల్గొన్నారు
.