తెలుగు సినీ ప్రేక్షకులకు టాలీవుడ్ యంగ్ హీరో సుధీర్ బాబు గురించి ప్రత్యేకంగా పరిచయం అక్కర్లేదు.సుధీర్ బాబు తెలుగులో కృష్ణమ్మ కలిపింది ఇద్దరినీ, ప్రేమ కథ చిత్రం, నన్ను దోచుకుందువటే, సమ్మోహనం, శ్రీదేవి సోడా సెంటర్,హంట్ లాంటి సినిమాలలో నటించి మంచి గుర్తింపు తెచ్చుకున్నాడు.
ఇక చివరగా హంట్ మూవీతో ప్రేక్షకులను పలకరించిన విషయం తెలిసిందే.కానీ ఆ సినిమా ఊహించిన విధంగా సక్సెస్ కాలేకపోయింది.
ఇది ఇలా ఉంటే త్వరలోనే మరో సినిమాతో ప్రేక్షకుల ముందుకు రాబోతున్నాడు హీరో సుధీర్ బాబు.
ప్రస్తుతం హర్షవర్ధన్ దర్శకత్వంలో మామ మశ్చింద్ర అనే సినిమాలో నటిస్తున్నాడు.ఇప్పటికే ఈ సినిమాకు సంబంధించిన ఫస్ట్ లుక్,గ్లింప్స్ విడుదల చేసిన విషయం తెలిసిందే.ఇది ఇలా ఉంటే తాజాగా ఈ సినిమాకు సంబంధించిన ఒక వీడియో సోషల్ మీడియాలో చెక్కర్లు కొడుతోంది.మామ మశ్చింద్ర సినిమాలో
సుధీర్ స్టన్నింగ్ మేక్ ఓవర్ కి సంబంధించిన వీడియో ఒకటి లీక్ అవ్వడంతో అది కాస్త తెగ వైరల్ అవుతోంది.సోషల్ మీడియాలో వైరల్ అవుతున్న ఆ వీడియోలో సుధీర్ పూర్తి భిన్నమైన లుక్ లో కనిపించడంతో అభిమానులు ఒక్కసారిగా షాక్ అయ్యారు.ఆ వీడియోలో సుధీర్ బాడీ లాంగ్వేజ్, లుక్ అంతా కూడా పూర్తిగా మారిపోయింది.
ఆ వీడియోని అభిమానులు తదేకంగా చూసినా కూడా అక్కడ ఉన్నది సుధీర్ అని గుర్తుపట్టలేకపోయారు.అయితే కొంతమంది సుధీర్ బాబు అని పేరు తెలిసినా కూడా చాలామంది నమ్మడం లేదు.కాగా సుధీర్ నటిస్తున్న మామ మశ్చింద్ర సినిమాలో 150 కిలోల బరువు ఉన్న ఒక అబ్బాయి పాత్రలో కనిపించనున్నాడు.
అలాగే మరొక పాత్రలో సిక్స్ ప్యాక్ ఉన్న వ్యక్తిగా కూడా కనిపించనున్నాడు, ఇంకొక పాత్రలో నార్మల్ వ్యక్తిగా కూడా కనిపించనున్నాడు.ఇలా ఒకే సినిమాలో త్రిపాత్ర అభినయంలో కనిపించబోతున్నాడు హీరో సుధీర్.
మొట్టమొదటిసారిగా త్రిపాత్ర అభినయంలో నటిస్తున్న సుదీర్ కు ఈ సినిమా ఏ మేరకు సక్సెస్ ని తెచ్చి పెడుతుందో చూడాలి మరి.బాగా ఈ సినిమాను శ్రీ వెంకటేశ్వర సినిమాస్ పతాకం పై భారీగా నిర్మిస్తున్నారు.
