టాలీవుడ్ మెగా యంగ్ హీరో, సీనియర్ నటుడు నాగబాబు కుమారుడు వరుణ్ తేజ్ గురించి అందరికీ పరిచయమే.ముకుంద సినిమాతో టాలీవుడ్ ఇండస్ట్రీకి అడుగుపెట్టి తొలిసారి నటనతోనే మంచి పేరు సంపాదించుకున్నాడు.
ఆ తర్వాత కంచె, లోఫర్, ఎఫ్2 వంటి సినిమాల్లో నటించి మంచి సక్సెస్ అందుకున్నాడు.ప్రస్తుతం వరుస సినిమాలతో బాగా బిజీగా ఉన్నాడు.
ఇదిలా ఉంటే గని సినిమా కోసం తెగ కష్టపడుతున్నాడు ఈ మెగా హీరో.
ప్రస్తుతం వరుణ్ తేజ్ కొర్రపాటి దర్శకత్వంలో గని సినిమాలో నటిస్తున్నాడు.
ఈ సినిమా బాక్సింగ్ నేపథ్యంలో తెరకెక్కనున్న సంగతి తెలిసిందే.దీంతో ఈ సినిమా కోసం వరుణ్ తేజ్ బాగా కష్ట పడుతున్నాడు.
ఇదిలా ఉంటే తాజాగా తన ట్రాన్స్ఫర్మేషన్ కు సంబంధించిన ఫోటోలను తన సోషల్ మీడియా వేదికగా పంచుకున్నాడు.ప్రస్తుతం ఆ ఫోటోలు నెట్టింట్లో వైరల్ గా మారింది.
ఇక ఆ ఫోటోను చూసినట్లయితే అందులో సిక్స్ ప్యాక్ తో బాగా ఆకట్టుకున్నాడు.మొత్తానికి వరుణ్ తేజ్ గని సినిమా కోసం మామూలుగా కష్ట పడటం లేదుగా అన్నట్లు కనిపిస్తున్నాడు.
ఈ సినిమా నుండి టైటిల్ సాంగ్ విడుదల కాగా ప్రేక్షకులను బాగా ఆకట్టుకుంది.ఇక ఈ సినిమా ఈ ఏడాది ప్రేక్షకుల ముందుకు రానున్నట్లు తెలుస్తోంది.ఈ సినిమాతో పాటు అనిల్ రావిపూడి దర్శకత్వం లో ఎఫ్ 3 సినిమాలో నటిస్తున్నాడు.ఈ సినిమా వచ్చే ఏడాది విడుదల కానుంది.అంతేకాకుండా చిరంజీవి సినిమాలో కూడా అవకాశం అందుకున్నట్లు అది కూడా లూసిఫర్ రీమేక్ లో అని గతంలో టాక్ వినిపించింది.మొత్తానికి వరుణ్ తేజ్ వరుస సినిమాలతో బాగా బిజీ గా మారాడు.
