ఏమైనా చేయండి ప్రేక్షకులను ఆకట్టుకోవాలి.తమ సినిమాలను రోజుల తరబడి ఆడేలా చేయాలి.
మంచి వసూళ్లు రాబట్టాలి.ఇదే కాన్సెప్టుతో సినిమాలు తెరక్కెక్కుతాయి.
దర్శక నిర్మాతలు సైతం ఇదే ఆలోచిస్తారు.సేమ్ ఇలాంటి ఆలోచనతోనే ముందుకు వచ్చింది త్రిమూర్తులు మూవీ.
ఈ సినిమాలో ఏకంగా ఏడుగురు హీరోలు, నలుగురు హీరోయిన్లు కనిపించారు.జనాలను సినిమా హాళ్లకు క్యూ కట్టేలా చేశారు.
తెలుగు సినీరంగంలో కొత్త చరిత్ర సృష్టించారు.ప్రేక్షకులు మర్చిపోలేని మధుర జ్ఞాపకాన్ని ఇచ్చారు.
![Telugu Topactors, Trimurthulu, Venkatesh-Telugu Stop Exclusive Top Stories Telugu Topactors, Trimurthulu, Venkatesh-Telugu Stop Exclusive Top Stories](https://telugustop.com/wp-content/uploads/2021/04/Venkatesh-Rajendraprasad-Thrimutulu-Movie-Special-song.jpg)
వెంకటేష్ హీరోగా 1987లో త్రిమూర్తులు అనే సినిమా తెరకెకక్కింది.ఒకే మాట ఒకే బాట అనే పాటలో అప్పటి టాప్ నటులను ఓకే సారి చూపించాలని భావించాడు ఆ సినిమా ప్రొడ్యూసర్ సుబ్బి రామిరెడ్డి.నసీబ్ అనే హిందీ సినిమాకు రీమేక్ చిత్రంగా ఈ సినిమా చేశారు.హిందీలో ఈ పాటకు బాలీవుడ్ టాప్ హీరోలంతా డ్యాన్స్ చేశారు.ఇక్కడ కూడా అలాగే చేయాలని సుబ్బి రామిరెడ్డి అనుకున్నారు.ఎన్టీఆర్ , ఏఎన్ఆర్, క్రిష్ణ , శోభన్ బాబు , కృష్ణం రాజు, చిరంజీవిని ఈ పాటలో చూపించాలని అనుకున్నారు.
ఎన్టీఆర్ , ఏఎన్ఆర్ కొన్ని అనివార్య కారణాల వల్ల నటించలేదు.వారి స్థానంలో బాలక్రిష్ణ , నాగార్జున నటించారు.వెంకటేష్ తో మొదలయ్యే ఈ పాటలో తొలుత శోభన్ బాబు, ఆ తర్వాత విజయ శాంతి , క్రిష్ణ, విజయ నిర్మల , చిరంజీవి , కృష్ణం రాజు శారద కనిపిస్తారు.ఆ తర్వాత బాలక్రిష్ణ, నాగార్జున కనిపిస్తారు .వీరితో పాటు రాధిక , రాధ , జయ మాళిని , చంద్రమోహన్ , మురళీ మోహన్ తో పాటు ఇంకొంత మంది నటులు కనిపిస్తారు.కేవలం ఈ పాట కోసమే జనాలు సినిమా టాకీసులకు గుంపులు గుంపులుగా తరలి వచ్చారు.
ఈ సినిమా మంచి విజయం సాధించింది.ఆరోజుల్లోనే మంచి వసూళ్లను రాబట్టింది.
అందిరి హీరోలకు మంచి గుర్తింపు తెచ్చింది.