నాకు సంబంధం లేని విషయంలో నన్ను లాగొద్దు.. నాని సెన్సేషనల్ కామెంట్స్!

టాలీవుడ్ స్టార్ హీరో నాని( Nani ) తాజాగా నటించిన చిత్రం సరిపోదా శనివారం.వివేక్ ఆత్రేయ దర్శకత్వం వహించిన ఈ సినిమా తాజాగా విడుదల అయ్యి మంచి సక్సెస్ను సాధించిన విషయం తెలిసిందే.

ఈ సినిమాకు పాజిటివ్ టాక్ రావడంతో పాటు బాక్స్ ఆఫీస్ వరిలో ఏ సినిమా లేకపోవడంతో బాక్సాఫీస్ వద్ద మంచి ఫలితాలను అందుకుంటుంది ఈ సినిమా.కానీ వరుణుడు ఈ సరిపోదా సినిమాకు షాక్ ఇస్తున్నాడు.

వర్షాల కారణంగా చాలా చోట్ల కలెక్షన్లు డల్ అయ్యాయని తెలుస్తోంది.ఇది ఇలా ఉంటే తాజాగా సరిపోదా శనివారం( Saripodhaa Sanivaaram) చిత్ర యూనిట్ మీడియా ముందుకు వచ్చి ప్రెస్ మీట్ పెట్టింది.

ఆడియెన్స్ చూపిస్తున్న ప్రేమకు, సినిమాకు ఇంత మంచి రెస్పాన్స్ ఇస్తున్న తీరుకు థాంక్స్ చెప్పారు.ఈ క్రమంలో మీడియా అడిగిన ప్రశ్నలకు చిత్ర యూనిట్ సమాధానాలు ఇచ్చింది.సరిపోదా శనివారం రిలీజ్ తరువాత, డే వన్ కలెక్షన్ల తరువాత ఫ్యాన్స్ అంతా కూడా నాని టైర్ వన్‌ లోకి వెళ్లాడంటూ రచ్చ చేశారు.దీంతో విజయ్ ఫ్యాన్స్, నాని ఫ్యాన్స్ మధ్య వార్ జరిగిన విషయం తెలిసిందే.

ఇదే విషయం గురించి మీడియా నాని దగ్గర ప్రస్తావించగా.కానీ ఈ టైర్‌ ల గోల నాకు తెలియదు.

నేను దాని గురించి పట్టించుకోను.అసలు అవేంటో కూడా తెలీదు.

తనకు తెలియని వాటి గురించి, తనకు సంబంధం లేని వాటి గురించి ఎందుకు అడుగుతున్నారు అని నాని చెప్పుకొచ్చాడు.అలాగే తనకంటూ ప్రత్యేకమైన టార్గెట్ అంటూ ఏమీ లేదని ఆ టైర్ వన్ టైర్ టు అనేది కూడా లేదని, టైర్ వన్ లోకి వెళ్లాలన్న అది కూడా తనకు లేదని, నచ్చిన కథ వచ్చిన సినిమాలు చేసుకుంటూ పోవాలని ఉంది అని చెప్పుకొచ్చారు హీరో నాని.ఈ సందర్భంగా ఈ ప్రెస్ మీట్ లో భాగంగా నాని చేసిన వ్యాఖ్యలు ప్రస్తుతం సోషల్ మీడియా( Social media )లో వైరల్ గా మారాయి.