రాజన్న సిరిసిల్ల జిల్లా :తండ్రి జన్మదినాన్ని పురస్కరించుకొని తనయుడు మా వృద్ధ అభాగ్యుల వృద్ధాశ్రమంలో బియ్యం, నిత్యవసర సరుకులను అందజేశారు.ఎల్లారెడ్డిపేట( Yellareddypet ) మండల కేంద్రానికి చెందిన విశ్రాంతి ఉద్యోగి స్వర్గీయ వంగ రామేశ్వర్ రెడ్డి 77వ జయంతి సందర్భంగా తనయుడు వంగ గిరిధర్ రెడ్డి( Vanga Giridhar Reddy ) మంగళవారం గంభీరావుపేట మండల కేంద్రంలోని మల్లు గారి నర్సాగౌడ్ ఏర్పాటుచేసిన మా వృద్ధాశ్రమంలో సన్నిహితులతో కలిసి 30 మంది వృద్ధులకు 25 కేజీల బియ్యంతో పాటు నిత్యవసర సరుకులను మల్లు గారి నర్సాగౌడ్ సమక్షంలో అందజేశారు.
ఈ కార్యక్రమంలో సింగిల్ విండో డైరెక్టర్ నేవూరి వెంకట నరసింహారెడ్డి( Nevuri Venkata Narasimha Reddy ), నూకల శ్రీను, నేవూరి సురేందర్ రెడ్డి, అనిల్ తదితరులు పాల్గొన్నారు.
