మహేష్‌బాబు సినిమా పోస్టర్‌పై సమంత మరోసారి కామెంట్స్ చేసింది.గతంలో ఈ అమ్మడు ‘1’ సినిమా పోస్టర్‌పై కామెంట్స్ చేసి సంచలన సృష్టించింది.
ఆ సినిమాలో హీరో వెనుక హీరోయిన్ మోకాళ్లపై నడవడం సమంత విమర్శలు చేసింది.ఆ విమర్శలకు మహేష్‌బాబు కూడా నొచ్చుకున్నాడని, ఇద్దరి మద్య వ్యవహరం చెడి పోయిందనే టాక్‌ వచ్చింది.
అయితే మళ్లీ ఇన్నాళ్లకు మహేష్‌బాబు తాజా చిత్రం ‘శ్రీమంతుడు’ పోస్టర్‌పై ఈ అమ్మడు మరోసారి స్పందించింది.అయితే ఈసారి నెగటివ్‌గా కాకుండా పాజిటివ్‌గా స్పందించి మహేష్‌బాబుతో పాటు ఆయన ఫ్యాన్స్‌ను కూడా కూల్‌ చేసింది.
తాజాగా విడుదలైన ‘శ్రీమంతుడు’ పోస్టర్‌పై సమంత స్పందిస్తూ… ఈ పోస్టర్‌లో మహేష్‌బాబు చాలా చాలా అందంగా ఉన్నాడు.ఒక పక్కా ఫ్యామిలీ మ్యాన్‌గా మహేష్‌ కనిపిస్తున్నాడు.
ఈ సినిమా బిగ్గెస్‌ హిట్‌ అవ్వాలని మన:స్పూర్తిగా కోరుకుంటున్నాను.పోస్టర్‌ను చూస్తే చాలా సంతోషంగా ఉందంది.
ఈ సినిమా మహేష్‌బాబు సమర్పణలో మైత్రి మూవీస్‌ బ్యానర్‌లో తెరకెక్కుతోంది.శృతిహాసన్‌ హీరోయిన్‌గా నటిస్తున్న ఈ సినిమాలో జగపతిబాబు ముఖ్య పాత్రలో కనిపించనున్నాడు.
‘మిర్చి’ సినిమా తర్వాత కొరటాల శివ దర్శకత్వంలో తెరకెక్కుతున్న సినిమా ఇదే అవ్వడంతో అంచనాలు తారా స్థాయిలో ఉన్నాయి.రేపు ఈ సినిమా టీజర్‌ విడుదల కానుంది.
అలాగే జులై 17న సినిమా ప్రపంచ వ్యాప్తంగా ప్రేక్షకుల ముందుకు రాబోతుంది.
