టాలీవుడ్ యంగ్ హీరో నాగశౌర్య నటించినటువంటి ఒక మనసు చిత్రంతో టాలీవుడ్లోకి తెరంగేట్రం చేసిన మెగాస్టార్ చిరంజీవి తమ్ముడు టవర్ స్టార్ నాగబాబు కూతురు నిహారిక కొణిదెల గురించి తెలియని వారుండరు.అయితే గతకొద్దికాలంగా ఈ అమ్మడు నటించినటువంటి చిత్రాలు బాక్సాఫీస్ వద్ద బోల్తా పడుతుండటంతో కొంతమేర నిహారిక సినీ కెరీర్ ప్రమాదంలో పడినట్లు తెలుస్తోంది.
అయితే తాజాగా నిహారిక పలు సంస్థలు నిర్వహించినటువంటి ఫోటో షూట్ కార్యక్రమంలో పాల్గొని కొంతమేర హాట్ గా ఫోటో లకి ఫోజ్ ఇచ్చింది.దీంతో మెగా అభిమానులు నిహారిక ఫోటోలను ట్రోల్స్ చేస్తున్నారు.
అంతేగాక పలువురు దయచేసి ఇలాంటి ఫోటోలకు ఫోజులిచ్చి మెగాస్టార్ కుటుంబానికి ఉన్నటువంటి పరువుని దిగజార్చద్దని నిహారికని వేడుకుంటున్నారు.మరికొందరైతే అయినా సినిమాల్లో అవకాశాల కోసం ఇలా చేయడం సరికాదని అంటున్నారు.
అయితే మరికొందరు మాత్రం నిహారిక ని సపోర్ట్ చేస్తున్నారు.ఎందుకంటే సినీ పరిశ్రమలో ఇలాంటివి కామన్ అని ఒక్క అవకాశాల పరంగా కాకుండా తమలోని టాలెంట్ ని గుర్తించాలని అభిప్రాయపడుతున్నారు.
అయితే గతంలో నిహారిక మెగాస్టార్ చిరంజీవి నటించిన టువంటి సైరా చిత్రంలో నటించింది.కానీ ఈ చిత్రంలో నిహారిక పాత్రకు పెద్దగా ప్రాధాన్యత లేకపోవడం వల్ల ఎవరూ గుర్తించలేదు.దీంతో నిహారికకు పెద్దగా అవకాశాలు రాలేదు.అయితే ప్రస్తుతం సినిమా అవకాశాలు లేకపోవడంతో నిహారిక ఓ బాలీవుడ్ వెబ్ సీరిస్ లో నటిస్తున్నట్లు సమాచారం.