చిరుమర్తి కుటుంబాన్ని పరామర్శించిన సీఎం కేసీఆర్

నల్లగొండ జిల్లా:ఇటీవల నకిరేకల్ ఎమ్మెల్యే చిరుమర్తి లింగయ్య తండ్రి నర్సింహ మృతి చెందగా దశదినకర్మ కార్యక్రమానికి సీఎం కేసీఆర్ హాజరయ్యారు.

నార్కట్‌పల్లిలోని రాశి ఫ్యాక్టరీ వద్ద ఏర్పాటు చేసిన సంతాప కార్యక్రమంలో ముఖ్యమంత్రి కేసీఆర్‌,మంత్రి కేటీఆర్‌,మంత్రి జగదీశ్​ రెడ్డితో పాటు మండలి ఛైర్మన్​ గుత్తా సుఖేందర్​ రెడ్డి,ఎమ్మెల్యేలు,టీఆర్ఎస్ నేతలు నర్సింహకు నివాళులర్పించారు.

అనంతరం ఎమ్మెల్యే కుటుంబసభ్యులతో సీఎం మాట్లాడి,వారికి సానుభూతి తెలిపారు.వారి కుటుంబానికి అండగా ఉంటామని హామీ ఇచ్చారు.

ముఖ్యమంత్రి పర్యటన సందర్భంగా 700 మందితో పోలీసులు పటిష్ట బందోబస్తు ఏర్పాటు చేశారు.