చాలామంది సోషల్ మీడియాలో వైరల్ కావాలని ప్రమాదకరమైన స్టంట్( Dangerous Stunts ) వీడియోలు చేస్తున్నారు.ఈ స్టంట్స్ వల్ల వారికే కాకుండా ఇతరులకు కూడా ప్రమాదాలు జరుగుతాయనే విషయాన్ని పట్టించుకోవడం లేదు.
తాజాగా ఒక యువతి కూడా ఇలాంటి పిచ్చి పని చేసింది.ఈమెను సోషల్ మీడియా యూజర్లు దారుణంగా విమర్శిస్తున్నారు.
ఈ వీడియోలో ఆమె బాగానే ఉన్నట్లు నటిస్తూ, ఉద్దేశపూర్వకంగా మెట్ల మీద పడిపోతుంది.అంతేకాదు మెట్ల పైనుంచి దొర్లుతూ కిందకి వస్తుంది.
తన ఫాలోవర్లను ఆకట్టుకోవడానికి ఈ రకమైన కంటెంట్‌ను సృష్టించాలని ఆమె భావించినట్లు తెలుస్తోంది.
ఈ వీడియో చూసిన కొంతమంది ప్రేక్షకులు దీన్ని చాలా ఫన్నీగా భావించినప్పటికీ, చాలా మంది దీన్ని తీవ్రంగా విమర్శించారు.ఇది చాలా ప్రమాదకరమైన స్టంట్ అని, ఇలాంటి వీడియోలు సమాజంపై చెడు ప్రభావాన్ని చూపుతాయని వారు అభిప్రాయపడ్డారు.సోషల్ మీడియాలో( Social Media ) పాపులర్ కావాలనే తాపత్రయంలో కొందరు ప్రజలు ఎంత దూరం వెళ్లగలరో ఈ వీడియో స్పష్టంగా చూపిస్తోంది.
తమ ప్రాణాలను లెక్క చేయకుండా చేసే ఈ రకమైన స్టంట్స్ వల్ల వారికే ప్రమాదం వాటిల్లుతుందని విమర్శకులు ఆందోళన వ్యక్తం చేస్తున్నారు.
అంతేకాకుండా, నిజంగా ఎవరైనా ప్రమాదంలో పడితే వారిని సహాయం చేయడానికి ఇతరులు ముందుకు రారు అనే భయం కూడా వ్యక్తమవుతోంది.“ఇలాంటి స్టంట్స్ వల్ల నిజంగా ప్రమాదంలో ఉన్నవారికి సహాయం చేయాలన్న ఆలోచన కూడా చాలామందికి రాదు.ఎందుకంటే అది యాక్టింగ్( Acting ) ఏమో అని అనుకుంటారు.” అని ఒక యూజర్ కామెంట్ చేశారు.మరొక యూజర్ కామెంట్ చేస్తూ “ఇలాంటి పనుల వల్ల ప్రజలు ఇతరులపై నమ్మకం కోల్పోతున్నారు.
నిజంగా ప్రమాదం జరిగితే కూడా ఎవరూ నమ్మరు” అని అన్నారు.
ఆ వీడియో గురించి ప్రజల అభిప్రాయాలు రెండు వైపులా ఉన్నాయి.
కొంతమంది దీన్ని సరదాగానే తీసుకున్నారు.కానీ, ఇలాంటి కంటెంట్ ముఖ్యంగా యువతపై చెడు ప్రభావాన్ని చూపుతుందని మరొక వర్గం ఆందోళన వ్యక్తం చేస్తోంది.
ఇలాంటి స్టంట్స్ చేసి లైక్స్, వ్యూస్ పెంచుకోవాలని ప్రయత్నించే వారి సంఖ్య పెరిగే ప్రమాదం ఉందని వారు అంటున్నారు.దీని వల్ల ప్రమాదాలు జరిగే అవకాశం ఉంది.
