తెలుగు సినిమా ఇండస్ట్రీలో దర్శకుడిగా ఎంతో పేరు ప్రఖ్యాతలు సంపాదించుకున్నటువంటి రాజమౌళి( Rajamouli ) అపజయం ఎరుగని దర్శకుడిగా గుర్తింపు పొందారు.ఇలా ఇండస్ట్రీలో దర్శకుడిగా ఎంతో పేరు గుర్తింపు పొందిన ఈయన ఆర్ఆర్ఆర్ సినిమా( RRR Movie ) ద్వారా అంతర్జాతీయ స్థాయిలో దర్శకుడిగా గుర్తింపు పొందడమే కాకుండా ఎంతో మంది హాలీవుడ్ దర్శకుల చేత ప్రశంసలు అందుకున్నారు.
ఇక ఈ సినిమా కోసం ఎంతో కష్టపడినటువంటి రాజమౌళి చివరికి ఈ సినిమాలోని నాటు నాటు పాటకు ఆస్కార్ అవార్డును కూడా అందుకున్నారు.
ఇలా ఈ సినిమాకు ఆస్కార్ అవార్డు ( Oscar Award )రావడంతో తెలుగు చిత్ర పరిశ్రమ పేరు ప్రఖ్యాతలు అంతర్జాతీయ స్థాయిలో మారుమోగిపోయాయని చెప్పాలి.ఇలా ఈ సినిమా తర్వాత రాజమౌళి కాస్త ఫ్రీ అయ్యారని తెలుస్తుంది.ఈ క్రమంలోనే ఈయన ఈ ఖాళీ సమయాన్ని తన ఫ్యామిలీ కోసం కేటాయిస్తూ తన కుటుంబ సభ్యులతో కలిసి వెకేషన్ వెళ్లారు.
ప్రస్తుతం తన భార్య పిల్లలతో కలిసి తమిళనాడులోని తూత్తుకుడి వెళ్లారు.అక్కడ బీచ్ పక్కన, రిసార్ట్స్ లో ఫ్యామిలీతో కలిసి ఎంజాయ్ చేస్తున్నాడు.అక్కడ రిసార్ట్ లో మొక్కలు నాటుతున్నాడు.
ఈ విధంగా రాజమౌళి తన ఫ్యామిలీ వెకేషన్ కి సంబంధించిన ఫోటోలు సోషల్ మీడియాలో షేర్ చేయడంతో ఇవి కాస్త వైరల్ అవుతున్నాయి.ఇక ఈయన తన తదుపరి చిత్రాన్ని మహేష్ బాబుతో చేయబోతున్నట్లు ప్రకటించారు.మరి కొద్ది రోజులలో ఈ సినిమా పనులు ప్రారంభం కానున్న నేపథ్యంలో రాజమౌళి ఇలా ఫ్యామిలీతో కలిసి వెకేషన్ కి వెళ్ళారని తెలుస్తోంది.
రాజమౌళి మహేష్ బాబు ( Mahesh Babu ) కాంబినేషన్లో రాబోతున్న సినిమా గురించి ఎలాంటి అప్డేట్ లేకపోయినా ఈ సినిమాపై ఇప్పటికే భారీ అంచనాలు ఏర్పడ్డాయని చెప్పాలి.
