ఆ విషయంలో చరణ్ మనసు మార్చుకున్నాడా.. అసలేం ఆలోచిస్తున్నాడు?

టాలీవుడ్ అగ్ర దర్శకుడు ఎస్ ఎస్ రాజమౌళి ప్రతిష్టాత్మకంగా తెరకెక్కించిన సినిమా ఆర్ఆర్ఆర్. ఈ సినిమాలో అల్లూరి సీతారామరాజు గా చరణ్ నటించి బ్లాక్ బస్టర్ హిట్ కొట్టాడు.

ఈ సినిమా ఘన విజయం అవడంతో వెంటనే అగ్ర డైరెక్టర్ శంకర్ తో సినిమా స్టార్ట్ చేసాడు.మెగా ఫ్యాన్స్ అంతా ఆర్సీ 15 సినిమా కోసం ఎదురు చూస్తున్నారు.

ఈ సినిమాలో రామ్ చరణ్ కు జోడీగా బాలీవుడ్ బ్యూటీ కియారా అద్వానీ హీరోయిన్ గా నటిస్తుండగా మ్యూజిక్ డైరెక్టర్ గా ఎస్ ఎస్ థమన్ ను తీసుకున్నారు.ఇక దిల్ రాజు ఈ సినిమాను అత్యంత ప్రతిష్టాత్మకంగా నిర్మిస్తున్నాడు.

ఈ సినిమాలో కీలక పాత్రల్లో సునీల్, అంజలి వంటి వారు నటిస్తున్నారు.ఈయన ఆర్సీ 15 తర్వాత గౌతమ్ తిన్ననూరి తో సినిమా చేయబోతున్నాడు.

ఈ విషయాన్నీ స్వయంగా యూవీ క్రియేషన్స్ వారు చరణ్ బర్త్ డే రోజు అధికారికంగా ఒక పోస్టర్ ద్వారా ప్రకటించారు.అయితే ప్రెజెంట్ శంకర్ తో చేస్తున్న ఆర్సీ 15 కు కొన్ని కారణాల వల్ల బ్రేక్ వచ్చింది.

మళ్ళీ స్టార్ట్ అయ్యేందుకు కొన్ని నెలల సమయం పట్టనుందని తెలుస్తుంది.అయితే ఇదే సమయంలో గౌతమ్ తిన్ననూరి మరో హీరోకు కథ చెప్పడానికి వెళ్లాడని టాక్ వినిపిస్తుంది.

ఒక వైపు రామ్ చరణ్ తో సినిమా ఓకే అయ్యాక మళ్ళీ మరో హీరోకు కథ చెప్పడం ఏంటని.దీని వెనుక కారణం ఏంటా అని అంతా ఆలోచిస్తున్నారు.ఈయన మరో హీరో కోసం తిరగడం వెనుక ఇంకేదైనా కారణం ఉందా? అని ఆరా తీస్తున్నారు.రామ్ చరణ్ నిర్ణయంలో మార్పు రావడమే ఇందుకు కారణమా.

గౌతమ్ తో సినిమా చేస్తే పాన్ ఇండియా మార్కెట్ ఉండక పోవచ్చు అని చరణ్ భావించి.ఈయనను ప్రస్తుతానికి హోల్డ్ లో పెట్టారని.

అందుకే గౌతమ్ మరో హీరో కోసం ప్రయత్నాలు చేస్తున్నాడు అంటూ వార్తలు వస్తున్నాయి.

ఈ డైరెక్టర్ బాలీవుడ్ లో తీసిన జర్సీ సినిమా పెద్ద డిజాస్టర్ అయ్యింది.విమర్శకుల నుండి ప్రశంసలు దక్కినా కలెక్షన్ల పరంగా ప్లాప్ అయినట్టే అని చెప్పాలి.మరి ఈ క్రంమంలోనే చరణ్, గౌతమ్ ప్రాజెక్ట్ పట్టాలెక్కడం లేదా అనే సందేహాలు వస్తున్నాయి.

వీటన్నిటికీ యూవీ క్రియేషన్స్ స్పందిస్తుందో లేదో చూడాలి.