ప్రభాస్ కథానాయకుడిగా కేజిఎఫ్ డైరెక్టర్ ప్రశాంత్ నీల్ దర్శకత్వంలో మోస్ట్ అవైటెడ్ చిత్రంగా తెరకెక్కుతున్న అటువంటి “సలార్“.ఈ సినిమా గురించి ఇప్పటికే ఎన్నో అంచనాలు పెరిగిపోయాయి.
ప్రస్తుతం షూటింగ్ జరుపుకుంటున్న ఈ చిత్రం వచ్చే ఏడాది పాన్ ఇండియా చిత్రంగా పలు భాషలలో విడుదలకానుంది.ఇప్పటికీ కేజీఎఫ్ చిత్రం ద్వారా సంచలనం సృష్టించిన ప్రశాంత్ నీల్ ఈ చిత్రం ద్వారా ఎలాంటి రికార్డులు సృష్టిస్తారని దేశవ్యాప్తంగా అభిమానులు ఎంతో ఆతృతగా ఎదురుచూస్తున్నారు.
ప్రభాస్ సలార్ సినిమాలో భారీ యాక్షన్ సన్నివేశాలు ఉన్నాయని, ఇందులో ప్రభాస్ ద్విపాత్రాభినయంలో నటిస్తున్నారని వార్తలు పెద్ద ఎత్తున వినిపిస్తున్నాయి.ప్రస్తుతం షూటింగ్ జరుపుకుంటున్న ఈ సినిమాకి సంబంధించిన సమాచారం సోషల్ మీడియాలో చక్కర్లు కొడుతోంది.
సలార్ నుంచి రేపు ఉదయం (ఆగస్టు 23) 10:30 లకు ఈ చిత్రం నుంచి రాజమన్నార్ ఫస్ట్ లుక్ ను విడుదల చేయనున్నట్లు తెలుస్తోంది.అయితే రాజమన్నార్ ఎవరు? ఏమిటి? అనే విషయాన్ని మాత్రం చిత్రబృందం వెల్లడించలేదు.
ఈ క్రమంలోనే ఈ పాత్ర పై సోషల్ మీడియాలో పెద్దఎత్తున చర్చలు మొదలయ్యాయి.మరి ఈ సినిమాలో రాజమన్నార్ పాత్ర ఏమిటి?ఈ పాత్రలో ఎవరు నటిస్తారు అనే విషయం తెలియాలంటే కేవలం మరికొన్ని గంటలు మాత్రమే వేచి ఉండాలి.ఇకపోతే ఈ సినిమాలో ప్రభాస్ సరసన శృతిహాసన్ జతకట్టనుందని మనకు తెలిసిందే.పాన్ ఇండియా చిత్రంగా ఎంతో ప్రతిష్టాత్మకంగా తెరకెక్కుతున్న ఈ చిత్రాన్ని హోంబలే ఫిల్మ్స్ పతాకంపై KGF నిర్మాత విజయ్ కిరగండూర్ నిర్మిస్తున్నారు.
తెలుగు వార్త విశేషాలు సులభముగా తెలుసుకోండి!!!!
