ఈ లోకంలో తల్లిని మించిన దైవం లేదని చెబుతారు.దేవుడు ప్రతి ఒక్క చోట ఉండలేక ప్రతి ఇంట్లో తన రూపంలో తల్లిని సృష్టించాడని చెబుతారు.
అమ్మ అంటే ఓ అనుభూతి, ఓ అనుబంధం, ఓ అనురాగం.అమ్మ గురించి ఎంత చెప్పినా తక్కువే అవుతుంది.
ఈ ప్రపంచంలో అమ్మ లేని వాడు అత్యంత పేదవాడు.అమ్మ ప్రేమను పొందే వాడే ఈ సృష్టిలో అందరికన్నా పెద్ద కోటీశ్వరుడు.
అమ్మ ప్రేమను పొందే ప్రతి ఒక్క బిడ్డ తప్పకుండా అమ్మను గౌరవించాల్సిందే.ఇలా చెప్పుకుంటూ పోతే అమ్మ గురించి మాటలలో వర్ణించలేము.
అయితే జ్యోతిష్య శాస్త్రం ప్రకారం ఈ ప్రపంచంలో కేవలం నాలుగు రాశుల మహిళలు ఎంతో ఉత్తమమైన తల్లులుగా చెప్పబడింది.మరి ఆ రాశుల వారు ఎవరో ఇక్కడ తెలుసుకుందాం.
కర్కాటక రాశి:
ఈ కర్కాటక రాశికి చెందిన మహిళలు ఎంతో సున్నితమైన మనస్తత్వం కలవారు.ఈ రాశి వారు నిత్యం వారి పిల్లల పై ఎంతో ప్రేమను చూపెడుతూ వారిపై నిత్యం శ్రద్ద చూపుతుంటారు.
ఈ కర్కాటక రాశి వారు తమ పిల్లల కోసం ఏం చేయడానికైనా వెనకాడరు.తన పిల్లలే తన సర్వస్వంగా బ్రతుకుతారు.
సింహరాశి:
సింహ రాశికి చెందిన మహిళలు ఎంతో నమ్మకమైన వారు.పిల్లలను జాగ్రత్తగా ప్రేమగా చూసుకోవడంలో ఈ రాశివారికి ఎవరు సాటిరారు.
పిల్లల పట్ల ఎంతో ప్రేమగా ఉదార బావంగ మెలుగుతారు.తమ పిల్లలు కష్టాలలో ఉంటే ఆ కష్టాల నుంచి గట్టెక్కించే డానికి ఈ రాశివారు ఎంతటి సాహసానికైనా ఒడికడుతారు.
కన్యారాశి:
కన్య రాశి వారు తమ పిల్లల పట్ల ఎంతో క్రమశిక్షణగా ఉంటారు.ఏ పని చేయాలన్నా ఒక పద్ధతి ప్రకారం ఆ పనులను ముగిస్తారు.ఏ విధమైనటు వంటి పనినైనా ఎలాంటి ఇబ్బందులు లేకుండా ఎంతో చాకచక్యంగా వ్యవహరించడం కన్య రాశి వారికి చెల్లుతుంది.కన్య రాశి వారు తమ పిల్లలకు నిత్యం మంచి, చెడు, క్రమశిక్షణ గురించి తెలియజేస్తూ ఉంటారు.
మీన రాశి:
మీన రాశి తల్లులు ఎంతో నెమ్మదస్తులు వీరు ఎంతో ప్రశాంతంగా సున్నితంగా పిల్లల పట్ల సరైన సంబంధాలను కలిగి ఉంటారు.పిల్లల కోసం పూర్తి సమయాన్ని కేటాయిస్తారు.పిల్లల వెనక ఉండి వారి పూర్తి సహాయ సహకారాలను అందిస్తూ.వారి కలలు సాధ్యం చేయడానికి ఎంతో కృషి చేస్తారు.
