ఫిదా సినిమాతో తెలుగులో పరిచయమయి ప్రేక్షకులను ఫిదా చేసింది సాయి పల్లవి.అందం, అభినయం, డాన్స్ ఇలా ప్రతి విషయంలో సాయి పల్లవికి సాటి మరే హీరోయిన్ రాదు.
చేసింది కొన్ని సినిమాలు అయినా ప్రేక్షకుల మదిలో చెరగని ముద్ర వేసుకుంది ఈ ముద్దు గుమ్మ.కథ నచ్చక పోతే ఎంత పెద్ద హీరో సినిమా అయినా నో అని చెప్పడం ఈ అమ్మడి స్టైల్.
ప్రస్తుతం సాయి పల్లవి వరస సినిమాలు చేస్తూ బిజీగా గడుపుతుంది.శేఖర్ కమ్ముల దర్శకత్వంలో నాగ చైతన్య సరసన లవ్ స్టోరీ సినిమాలో కలిసి నటిస్తుంది.
ఈ సినిమాపై కూడా ప్రేక్షకుల్లో అంచనాలు బాగానే ఉన్నాయి.అయితే రానా దగ్గుబాటి తో కలిసి చేస్తున్న సినిమా విరాటపర్వం.
వేణూ ఊడుగుల దర్శకత్వంలో ఈ సినిమా తేరకెక్కుతుంది.
ఈ సినిమాను ఎస్ ఎల్ వి సినిమాస్ పతాకంపై సురేష్ బాబు, సుధాకర్ చెరుకూరి ఈ సినిమాను నిర్మిస్తున్నారు.ఇప్పటికే రిలీజైన పోస్టర్లు, ఫస్ట్ లుక్ అన్ని సినిమాపై అంచనాలు పెంచేసాయి.అయితే ఈ సినిమా నుండి ఒక పాటను రిలీజ్ చేసారు.
ఈ పాటతో మరోసారి సాయి పల్లవి ప్రేక్షకులను కట్టి పడేస్తుంది.
కోలు కోలు.
అంటూ సాగే ఈ పాటను ఈ రోజు సాయంత్రం 4 గంటల 5 నిముషాలకు వెంకటేష్ చేతుల మీదుగా రిలీజ్ చేసారు.జానపద పాట లాగా సాగే ఈ పాటను అందమైన ప్రకృతి మధ్య తెరకెక్కించారు.ఈ సినిమాలో సాయి పల్లవి వెన్నెల పాత్రలో నటిస్తుంది.1990 లో నక్సల్స్ ఉద్యమాలు ఎలా ఉండేవన్న అంశంతో ఈ సినిమాను రూపొందిస్తున్నారు.
రెవల్యూషన్ ఈజ్ యాన్ యాక్ట్ ఆఫ్ లవ్ అనే ట్యాగ్ లైన్ తో ఈ సినిమా తెరకెక్కుతుంది.నక్సల్ రవన్న అలియాస్ డాక్టర్ రవిశంకర్ జీవిత కథ ఆధారంగా ఈ సినిమాను దర్శకుడు తెరకెక్కిస్తున్నాడు.
ఇప్పటికే ఈ సినిమా షూటింగ్ కంప్లీట్ చేసుకుని చిత్ర యూనిట్ పోస్ట్ ప్రొడక్షన్ పనులతో బిజీగా ఉంది.ఈ సినిమా ఏప్రిల్ 30 న రిలీజ్ కాబోతుంది.
తెలుగు వార్త విశేషాలు సులభముగా తెలుసుకోండి!!!!
