అర్జున్ రెడ్డి సినిమాతో ఒక్కసారిగా ఇండస్ట్రీ చూపును తనవైపు తిప్పుకున్న రౌడీ హీరో విజయ్ దేవరకొండ, వరుసబెట్టి సినిమాలు చేస్తూ దూసుకుపోతున్నాడు.ఇప్పటికే గీతా గోవిందం లాంటి సూపర్ హిట్ మూవీని ఇండస్ట్రీ అందించిన ఈ హీరో ఇప్పుడు వరల్డ్ ఫేమస్ లవర్‌గా మారాడు.
ఈ సినిమాలో ఏకంగా నలుగురు హీరోయిన్లతో రొమాన్స్ చేస్తూ ప్రేక్షకుల్లో భారీ ఆసక్తి రేపుతున్నాడు.
కాగా తాజాగా ఈ సినిమా టీజర్‌ను రిలీజ్ చేశారు చిత్ర యూనిట్.
ఈ టీజర్ చూస్తుంటే అర్జున్ రెడ్డి సినిమాను మరోసారి చూసినట్లు కనిపిస్తుంది.బోల్డ్‌నెస్ కాస్త ఎక్కువగా పెట్టి యూత్‌ అండ్ లవర్స్‌ను టార్గెట్ చేసినట్లు ఈ టీజర్ స్పష్టం చేస్తోంది.
విభిన్న లుక్స్‌లో కనిపించిన విజయ్ దేవరకొండ అందాల భామలు రాశి ఖన్నా, కేథరిన్ త్రేసా, ఐశ్వర్యా రాజేష్‌లతో రెచ్చిపోయి రొమాన్స్ చేస్తూ కనిపించాడు.మరోసారి లవ్ ఫెయిల్యూర్ పెయిన్‌తో ఈ సినిమాలో మనోడు ప్రేక్షకులను ఆకట్టుకోవడం ఖాయమని ఈ టీజర్ చూస్తే తెలుస్తోంది.
క్రాంతి మాధవ్ డైరెక్షన్‌లో తెరకెక్కిన ఈ సినిమాను ప్రముఖ నిర్మాత కెఎస్ రామారావు ప్రొడ్యూస్ చేస్తున్నాడు.ఈ సినిమాలో రాశిఖన్నా తన వాయిస్‌కు తానే డబ్బింగ్ చెప్పుకున్నట్లు తెలుస్తోంది.
కాగా ప్రేమికుల రోజును పురస్కరించుకుని ఫిబ్రవరి 14న ఈ సినిమాను ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతోంది.మరి ఈ సినిమా అర్జున్ రెడ్డి రికార్డులను బీట్ చేస్తుందేమో చూడాలి.
