దొంగల్లో మంచి దొంగలు వేరయా,బామ్మకు ముద్దు పెట్టి వెళ్ళిపోయాడు!

దొంగలు పని కేవలం అందిన కాడికి దోచుకుంటూ ఉంటారు.గన్ లతో బెదిరించి మరీ దొంగతనాలకు పాల్పడుతూ ఉంటారు.

కొందరైతే ఆ సమయంలో ఒకడుగు ముందుకు వేసి హత్యలు కూడా చేస్తూ ఉంటారు.కానీ ఈ దొంగ గురించి వింటే మాత్రం తప్పకుండా దొంగల్లో మంచి దొంగలు వేరయా అని అనకుండా ఉండరు.

ఎందుకంటే దొంగతనానికి వచ్చిన దొంగ ఒక వృద్ధురాలి నుదుటి పై ముద్దుపెట్టి డబ్బులు కూడా తీసుకోకుండా వెళ్ళిపోయాడు.ఈ ఘటన బ్రెజిల్ లో చోటుచేసుకుంది.

ఈ ఘటనకు సంబందించిన వీడియో సోషల్ మీడియా లో రావడం తో ఇప్పుడు ఆ వీడియో తెగ వైరల్ గా మారింది.మంగళవారం చోటుచేసుకున్న ఈ ఘటన ఇలా వీడియో బయటకు రావడం తో ఇప్పుడు ఆ విషయం తెగ వైరల్ గా మారింది.

వివరాల్లో వెళితే… బ్రెజిల్ లో మంగళవారం సాయంత్రం 5 గంటల సమయంలో ఒక ఫార్మసీ లోకి చొరబడిన ఇద్దరు దొంగలు వ్యాపారిని గన్ తో బెదిరిస్తూ డబ్బులు,వస్తువులు దోచుకున్నారు.అయితే, ఆ సమయంలో అక్కడే ఉన్న ఓ వృద్ధ కస్టమర్ దొంగలకు భయపడి తన డబ్బులు ఇచ్చేందుకు ప్రయత్నించింది.

అయితే, వారిలో ఒక దొంగ అందుకు నిరాకరించడమే కాకుండా ‘నాకు డబ్బులు వద్దు మేడమ్.దయచేసి సెలెంట్‌గా ఉండండి’ అంటూ ఆమె నుదుటి మీద ముద్దుపెట్టి వెళ్లిపోయాడు.

  అయితే ఈ ఘటన కు సంబందించిన దృశ్యాలు అన్నీ కూడా షాప్ లో ఉన్న సీసీ కెమెరాల్లో రికార్డ్ అవ్వడం తో ఆ దృష్యాలు ఇప్పుడు వైరల్‌గా మారాయి.ఈ ఘటనలో దొంగలు రూ.71,155, దుకాణంలోని కొన్ని వస్తువులను దొంగలించారని షాప్ ఓనర్ శామ్యూల్ అల్మిదా తెలిపాడు.ప్రస్తుతం కేసు నమోదు చేసుకున్న పోలీసులు సీసీ కెమెరా రికార్డు ల ఆధారముగా దర్యాప్తు చేపట్టారు.