గోల్డెన్ గ్లోబ్ అవార్డు గెలుచుకున్న ఆర్‌ఆర్ఆర్ సినిమా యూనిట్ ని అభినందించిన అమితాబచ్చన్..!!

ప్రపంచ సినిమా రంగంలో ప్రతిష్టాత్మక అవార్డులలో ఒకటి గోల్డెన్ గ్లోబ్ అవార్డు “RRR” గెలుచుకున్న సంగతి తెలిసిందే.ఈ సినిమాలో నాటు నాటు పాటకు బెస్ట్ ఒరిజినల్ సాంగ్ కేటగిరిలో అవార్డు లభించింది.

ఈ సందర్భంగా అంతర్జాతీయ వేదికపై మ్యూజిక్ డైరెక్టర్ ఎంఎం కీరవాణి అవార్డు అందుకున్నారు.దీంతో ఈరోజు ఉదయం నుండి పలు సినీ ప్రముఖులు ఇంకా రాజకీయ నాయకులు “RRR” సినిమా యూనిట్ ని అభినందించడం జరిగింది.

తాజాగా మన దేశ ప్రధాని మోడీ సైతం గోల్డెన్ గ్లోబ్ అవార్డు గెలుచుకున్న “RRR” సినిమా యూనిట్ ని అభినందించారు.“ఈ అరుదైన గౌరవం ప్రతి భారతీయుడికి గర్వకారణం.ఇందుకుగాను ప్రేమ్ రక్షిత్, కాలభైరవ, చంద్రబోస్, రాహుల్ సిప్లిగంజ్.అభినందిస్తున్నాను.ఇక దర్శకుడు రాజమౌళి మరియు ఎన్టీఆర్, రామ్ చరణ్ మిగతా సినిమా యూనిట్ మొత్తానికి ప్రత్యేకమైన అభినందనలు.అని ప్రధాని మోడీ అభినందనలు తెలియజేయడం జరిగింది.

 ఆ తర్వాత బాలీవుడ్ ఇండస్ట్రీలో చాలామంది గోల్డెన్ గ్లోబ్ అవార్డు రావడం పట్ల సంతోషం వ్యక్తం చేస్తున్నారు.ఉదయాన్నే షారుక్, ప్రియాంక చోప్రా, సల్మాన్ ఖాన్ అభినందనలు తెలియజేశారు.

తాజాగా బాలీవుడ్ మెగాస్టార్ అమితాబచ్చన్ ట్విట్టర్ వేదికగా RRR సినిమా యూనిట్ ని అభినందించారు.ఈ విజయానికి అభినందనలు.

భారతదేశం గర్వపడేలా చేశారు అంటూ ట్వీట్ చేయడం జరిగింది.