ప్రశాంత్ నీల్ దర్శకత్వంలో కన్నడ స్టార్ హీరో యష్ హీరోగా నటించిన తాజా చిత్రం కేజీఎఫ్ 2.ఈ సినిమా ఇటీవలే విడుదల అయ్యి బాక్సాఫీస్ వద్ద కలెక్షన్ల వర్షం కురిపించిన సంగతి తెలిసిందే.
గత నెల ఏప్రిల్ 14న విడుదలైన ఈ సినిమా ఇప్పటికి సక్సెస్ ఫుల్ గానే కొనసాగుతోంది. బాహుబలి 2, ఆర్ఆర్ఆర్ సినిమాల మాదిరిగానే 1000 కోట్ల మార్కును దాటి ఇండియన్ సినిమాగా గుర్తింపు తెచ్చుకుంది.
ఇప్పటికి ఈ సినిమా హిందీ వెర్షన్ లో బాక్సాఫీసు వద్ద ఒక్కొక రికార్డును బ్రేక్ చేసుకుంటూ దూసుకుపోతోంది.అయితే కేజిఎఫ్ సినిమా ఎప్పుడెప్పుడా విడుదల అవుతుందా అని అభిమానులు ఎంతగానో ఎదురు చూశారు.
ఇక ప్రేక్షకుల అంచనాలకు మించి ఈ సినిమా విడుదలై ఊహించని విధంగా బాక్సాఫీస్ వద్ద కాసుల వర్షం కురిపించింది.ఇదిలా ఉంటే గత కొద్ది రోజులుగా సోషల్ మీడియాలో కేజిఎఫ్ 2 సినిమాకు సీక్వెల్ ఉండబోతున్నట్లు వార్తలు పెద్దఎత్తున వినిపిస్తున్నాయి.
కేజిఎఫ్ 3 సినిమా భారీ బడ్జెట్ తో ప్రేక్షకుల ముందుకు రాబోతున్నట్టు ఫిలిం వర్గాల్లో వార్తలు వినిపిస్తున్నాయి.అయితే కేజీఎఫ్ చాప్టర్ 3 ఉంటుంది అని హింట్ దొరికినప్పటి నుంచి ఎవరికివారు ఎవరికి తోచిన విధంగా వాళ్లే స్టోరీలను అల్లేసుకుంటున్నారు.
కేజిఎఫ్ పార్ట్ 1 పార్ట్ 2 లో విలన్లు చనిపోయారు. క్లైమాక్స్ లో కూడా హీరో చనిపోయిన విషయం తెలిసిందే.
![Telugu Bahubali, Kgf, Prashant Neel, Rana, Villain, Yash-Movie Telugu Bahubali, Kgf, Prashant Neel, Rana, Villain, Yash-Movie](https://telugustop.com/wp-content/uploads/2022/05/Bahubali-2-rrr-KGF-Cinema.jpg)
మరి కేజిఎఫ్ 3 సినిమాలో హీరో ఏవిధంగా బతికాడు అన్నది తెలిసిపోతుంది.ఈ క్రమంలోనే కేజిఎఫ్ చాప్టర్ 3 సినిమాలో విలన్ గా ఎవరు ఉండబోతున్నారు అన్న ప్రశ్న ప్రస్తుతం ఆసక్తికరంగా మారింది.అయితే ఈ సినిమాలో విలన్ గా రానా నటించబోతున్నాడు అని వార్తలు వినిపిస్తున్నాయి.అయితే ఇటీవల రానా ట్విట్టర్ లో కేజీఎఫ్ 2 సినిమా గురించి పొగుడుతూ ట్వీట్ చేయగా ఆ ట్వీట్ పై ప్రశాంత్ నీళ్లు స్పందిస్తూ త్వరలోనే కలుద్దాం అన్న విధంగా రాసుకొచ్చారు.
అయితే కేజీఎఫ్ 3 ఈ సినిమాలో రానా విలన్ గా నటించబోతున్నాడు అన్న వార్తల కి ఈ ట్వీట్ మరింత ఆజ్యం చేకూర్చిన్నట్లు అయ్యింది.