పిల్లలకు తమిళ భాషని పరిచయం చేయండి : సింగపూర్‌ భారత సంతతి మంత్రి పిలుపు

భాషను సజీవ పాఠంగా నేర్చుకోవాల్సి వుంటుందని, అది కేవలం చదువుకునేది కాదని .దానిని వాడుకలోనికి తీసుకురావాలని రాజా అన్నారు.టెలివిజన్, సోషల్ మీడియా లేదా ప్రింట్ అయినా .వారు చిన్నప్పటి నుంచి భాషను వింటూ ఉపయోగిస్తున్నంత కాలం దానిని మనం సజీవంగా వుంచగలమని ఇంద్రాణి రాజా పేర్కొన్నారు.సింగపూర్‌లో తమిళ భాష గొప్పతనాన్ని నిలబెట్టడానికి తమిళ భాషా మండలి (టీఎల్‌సీ)( Tamil Language Council ) గత 18 సంవత్సరాలుగా తమిళ భాషా ఉత్సవాన్ని (టీఎల్ఎఫ్) నిర్వహిస్తోంది.దీనిలో భాగంగా ఈ ఏడాది టీఎల్ఎఫ్‌ను ఇంద్రాణి రాజా శనివారం ప్రారంభించారు.ప్రతి తరం వారి మాతృభాషతో అనుసంధానించబడి వుండటానికి , క్రమంగా వారి వారసత్వం, సాంస్కృతిక గుర్తింపు ముఖ్యమన్నారు.“Capabilities” అనే థీమ్‌పై కేంద్రీకృతమైన టీఎల్‌సీ ఈ ఏడాది మార్చి 30 నుంచి ఏప్రిల్ 28 వరకు 47 కార్యక్రమాలను నిర్వహించనుంది.

సామూహిక బలాన్ని ఉపయోగించుకుంటూ వినూత్న కార్యక్రమాలను రూపొందించడానికి ఈ ఏడాది థీమ్‌ను ఎంచుకున్నారని టీఎల్‌సీ ఛైర్‌పర్సన్ ఎస్ మనోగరన్( TLC Chairperson S Manogaran ) తెలిపారు.కళ, సంస్కృతి, సాహిత్య కార్యక్రమాల ద్వారా యువతలో తమిళ భాష నిమగ్నతను పెంచాలన్నది తమ లక్ష్యమన్నారు.నేడు మన యువతలో చాలా మంది తమిళం నేర్చుకోవడంలో , ఉపయోగించడంలో కొత్త ప్రయోజనాన్ని కనుగొంటున్నారని, ఎన్నో కార్యక్రమాలు వారిని లక్ష్యంగా చేసుకున్నాయని మనోగరన్ చెప్పారు.