షారుఖ్ ఖాన్ 'జవాన్' సినిమాని మిస్ చేసుకున్న టాలీవుడ్ స్టార్ హీరో అతనేనా..!

అగ్ర రాజ్యం అమెరికాలో జవాన్( Jawan ) మూవీకి వస్తున్న స్పందన చూస్తే విడుదల సమయానికి భారీగా కలెక్షన్లు వసూలు చేసే అవకాశం ఉన్నట్లు తెలుస్తోంది.ప్రస్తుతం ఈ సినిమా అక్కడ 500ప్రాంతాల్లో అడ్వాన్స్ బుకింగ్ మొదలైంది.ఇప్పటి వరకు ఈ సినిమా సుమారు రూ.2 కోట్ల వరకు కలెక్షన్లు రాబట్టింది.అంతేకాకుండా భారతదేశ ఆర్థిక రాజధాని ముంబైలో గ్రాండ్‌గా అడ్వాన్స్ బుకింగ్ ప్రారంభమైంది.ఐనాక్స్ మాల్స్‌లో ఫస్ట్ డే కనీసం 10 షోలు ప్రదర్శించేందుకు ఏర్పాట్లు చేశారు.అంటే ఉదయం ఏడు గంటలకే షో మొదలవుతుంది.మళ్లీ రాత్రి 10.40 గంటల షోతో ముగుస్తుంది.మల్టీప్లెక్స్‌లో ఈ సినిమా టికెట్ ధర రూ.1100లుగా నిర్ణయించారు.ఇప్పటికే ఈ సినిమా బుకింగ్స్ దాదాపు 80 శాతం పూర్తయ్యాయి.

ఢిల్లీ, బెంగళూరు, హైదరాబాద్, ఆహ్మాదాబాద్, చండీగఢ్, పూణె, చెన్నై, కోల్‌కతా, కోచీలో అడ్వాన్స్ బుకింగ్ ఇంకా మొదలు కాలేదు.దక్షిణాదికి చెందిన అభిమానులు ఎప్పుడెప్పుడు టికెట్ల కొనాలా అని ఎదురు చూస్తున్నారు.

జవాన్ మూవీ ఫస్ట్ డేనే రికార్డు కలెక్షన్లు వసూలు చేయవచ్చని అంచనా వేస్తున్నారు.షారుక్ గత చిత్రం పఠాన్ ( Pathaan ) తొలి రోజు రూ.55 కోట్లు వసూలు చేసింది.జవాన్ కనీసం రూ.75 కోట్ల మేర వసూళ్లు రాబట్టే అవకాశం ఉందని విశ్లేషకులు అభిప్రాయపడుతున్నారు.మరి అదే జరిగితే తొలి రోజు అత్యధిక కలెక్షన్లు సాధించిన చిత్రంగా జవాన్ రికార్డు సృష్టించే అవకాశం ఉంది.

ఇలాంటి జవాన్ సినిమాను టాలీవుడ్ కు చెందిన ఓ స్టార్ హీరో మిస్ చేసుకున్నాడని సినీ వర్గాల్లో చర్చ నడుస్తోంది.ఈ సినిమా ఆ హీరో ఒప్పుకుని ఉంటే ప్రస్తుతం ఉన్న రికార్డులన్నీ ఆ హీరో పేరు మీదే నమోదయ్యేవని ఆయన ఫ్యాన్స్ తెగ బాధపడిపోతున్నారట.ఆ హీరో మరెవరో కాదు మహేశ్ బాబు( Mahesh Babu ).జవాన్ సినిమా కథ మొదట మహేశ్ బాబుకే వచ్చిందట.కానీ మహేశ్ అప్పటికే వరుసగా సినిమాలు కమిట్ అయి ఉండడంతో డేట్స్ అడ్జస్ట్ చేయలేక కథను వదులుకున్నారట.ఏది ఏమైన జవాన్ సినిమాను మహేశ్ చేసి ఉంటే మరో పోకిరి అయ్యిండేదని ఫ్యాన్స్ తెగ ఫీలవుతున్నారు.