సాధారణంగా కుక్కలు ఆటలను నేర్చుకోవడంలో అన్ని జంతువుల కంటే ముందు ఉంటాయి.కాగా తాజాగా నాలుగు బొచ్చు కుక్కపిల్లలు స్కిప్పింగ్ ఆట నేర్చుకొని నెటిజన్లను ఆశ్చర్య పరుస్తున్నాయి.
వీటి ఆటకు సంబంధించిన వీడియోను @puppiesheavens అనే ప్రముఖ ట్విట్టర్ పేజీ షేర్ చేసింది.ఈ వీడియోకి ఇప్పటికే 18 లక్షలకు పైగా వ్యూస్ వచ్చాయి.84 వేల వరకు లైకులు వచ్చాయి.
వైరల్ అవుతున్న వీడియోలో ఒక వ్యక్తి తాడు ఆట ఆడటం చూడవచ్చు.
అలాగే అతడు పైకి ఎగిరినప్పుడు మూడు కుక్క పిల్లలు కూడా పైకి ఎగురుతూ ఆడాయి.ఆ వ్యక్తి స్కిప్పింగ్ చేస్తుంటే ఈ కుక్క పిల్లలు కూడా పైకి ఎగురుతూ అద్భుతంగా స్కిప్పింగ్ ఆట ఆడాయి.
ఇంతలోనే మరో కుక్క కూడా అక్కడికి వచ్చి తాడు పైనుంచి దూకుతూ స్కిప్పింగ్ ఆటలో జాయిన్ అయిపోయింది.మామూలుగా అవతల వ్యక్తి తాడు విసురుతుంటే దాన్ని పై నుంచి దూకడం కాస్త కష్టంతో కూడుకున్న పని.మనుషులు కూడా ఇలా చేయాలంటే కాస్త ప్రాక్టీస్ చేయాల్సి ఉంటుంది.అయితే కుక్క పిల్లలు మాత్రం మనుషులు కంటే ఫర్ఫెక్ట్‌గా ఒకేసారి పైకి ఎగురుతూ ఆశ్చర్యపరిచాయి.
ఈ వీడియో చూసిన నెటిజన్లు ఆ కుక్కలు చాలా టాలెంటెడ్ అని కామెంట్ చేస్తున్నారు.మంచి ట్రైనింగ్ ఇస్తే డాగ్స్ ఏదైనా చేయగలవని ఇంకొక వ్యక్తి కామెంట్ చేశారు.
కుక్కలు చిన్న పిల్లల వలె ఆడుకోవడం చూసి మరికొందరు నెటిజన్లు ఆశ్చర్యాన్ని వ్యక్తం చేస్తున్నారు.ఈ అద్భుతమైన వీడియోపై మీరు కూడా ఓ లుక్కేయండి.
