పేకాట వ్యసనానికి గురైతే దానిని వ‌దిలించుకోలేర‌ని అంటుంటారు.కార్డ్ గేమ్‌ కుటుంబ సభ్యులు కలిసి ఆడితే సరదాగా ఉంటుంది.
పేక ముక్క‌ల‌లోని నలుగురు రాజులలో ముగ్గురు ఒకేలా కనిపించడం, నాల్గవ రాజు భిన్నంగా ఉండ‌టాన్ని మీరు ఎప్పుడైనా చూశారా? దానికి కార‌ణ‌మేమిటో ఇప్పుడు తెలుసుకుందాం.ఈ విష‌యం గురించి చాలా కథలు వినిపిస్తుంటాయి.
ఒక కథనం ప్రకారం చాలా సంవత్సరాల క్రితం కార్డుల‌లోని ఈ రాజుకు కూడా మీసాలు ఉండేవి.అయితే కార్డులను రీడిజైన్ చేసినప్పుడు డిజైనర్ మీసాలు వేయ‌డం మర్చిపోయాడు.
అప్పటి నుంచి ఈ రాజుకు మీసాలు లేవు.ఈ కథనం బ్రిటిష్ వార్తాపత్రిక ది గార్డియన్ తెలియ‌జేసింది.
త‌రువాత ఈ తప్పును సరిదిద్దలేదని కూడా చెబుతారు.
అలాగే ఈ కార్డుపై క‌నిపించే కింగ్ ఫ్రెంచ్ రాజు చార్లెమాగ్నే అని చెబుతుంటారు.అతను భిన్నంగా కనిపించడం కోసం, మీసాలను తొలగించాలని నిర్ణయించుకున్నాడు.త‌రువాతి కాలంలో ఈ మీసాలు లేని రాజుగారిపై సినిమా తీశారు.
కింగ్ ఆఫ్ హార్ట్స్ పేరుతో ఈ హాలీవుడ్ సినిమా విడుద‌ల‌య్యింది.ఇదేవిధంగా ఆ రాజుకు నలుగురు కుమారులు ఉన్నారని, వారిలో ఒకరికి మీసాలు లేవని కూడా ప్రచారంలో ఉంది.
ఈ రాజుకు కార్డుల‌లో స్థానం లభించింద‌ట.అందుకే ఆ రాజు కార్డుల‌లో మీసాలు లేకుండా క‌నిపిస్తాడ‌ట.
కాగా పేక ముక్క‌ల‌పై క‌నిపించే రాజుల గురించి ప్ర‌స్తావిస్తూ.ఫ్రెంచ్ రాజు చార్లెమాగ్నే చాలా అంద‌గాడ‌ని అతనికి మీసాలు లేవని అత‌నే కార్డ్స్ ఆఫ్ హార్ట్ అని చెబుతుంటారు.
ఇక ఇజ్రాయెల్ రాజు డేవిడ్ అని, మాసిడోనియా రాజు, సికందర్ ది గ్రేట్ అని అతను గొప్ప విజయం సాధించాడ‌ని చెబుతారు.అలాగే రోమన్ రాజు సీజర్ అగస్టస్‌కూ ఈ కార్డుల‌లో స్థానం క‌ల్పించార‌ట.
వీరు న‌లుగురే కార్డ్స్ పై క‌నిపిస్తార‌ట.
