దర్శకేంద్రుడు రాఘవేంద్రరావు దర్శకత్వంలో మంచు మనోజ్ హీరోగా ఝుమ్మంది నాదం చిత్రం ద్వారా తెలుగు ప్రేక్షకులకు పరిచయమైన ముద్దుగుమ్మ తాప్సీ గురించి ప్రత్యేకంగా చెప్పాల్సిన పనిలేదు.ఈ సినిమా ద్వారా తెలుగు ప్రేక్షకులకు పరిచయమై అనంతరం పలు సినిమాలలో నటించిన తాప్సీ తెలుగులో అవకాశాలు రాకపోవడంతో ఈమె బాలీవుడ్ ఇండస్ట్రీ వైపు అడుగులు వేశారు.
ఈ క్రమంలోనే బాలీవుడ్ ఇండస్ట్రీలో వరుస లేడి ఓరియెంటెడ్ చిత్రాలలో నటిస్తూ ఎంతో మంచి గుర్తింపు సంపాదించుకున్న తాప్సీ ప్రస్తుతం ఒక ప్రొడక్షన్ హౌస్ స్థాపించి ఇతరులకు అవకాశాలు ఇవ్వాలని భావిస్తున్నారు.
తాజాగా తాప్సీ నటించిన ‘లూప్ లపేటా’ ప్రముఖ ఓటీటీ ఫ్లాట్‌ ఫామ్ నెట్‌ఫ్లిక్స్‌లో విడుదలైంది.
ఈ సినిమా ప్రమోషన్స్ లో పాల్గొన్న తాప్సీ ఎన్నో ఆసక్తికరమైన విషయాల గురించి మాట్లాడటమే కాకుండా బాలీవుడ్ ఇండస్ట్రీలో ఉన్న నెపోటిజం గురించి ఆసక్తికరమైన వ్యాఖ్యలు చేశారు.ఈ ఇంటర్వ్యూలో భాగంగా తాప్సీ మాట్లాడుతూ తాను ఇండస్ట్రీలోకి 2010 వ సంవత్సరంలో వచ్చానని.
అంటే ఇండస్ట్రీలోకి వచ్చి దాదాపు పదేళ్లు దాటిన ఇండస్ట్రీలో ఏ మాత్రం మార్పు లేదని ఈమె వెల్లడించారు.నేను బాలీవుడ్ ఇండస్ట్రీలోకి అడుగు పెట్టిన మొదట్లో ఇక్కడ నిలదొక్కుకోవడానికి అవకాశాలు రావడానికి ఎన్నో కష్టాలు పడ్డానని ఈమె బాలీవుడ్ ఇండస్ట్రీలో ఉన్న నెపోటిజంపై విమర్శలు చేశారు.
ఇలా ఎంతో కష్టపడినప్పటికీ నాకు మంచి రోల్స్ రాలేదంటూ ఈమె తన అభిప్రాయాన్ని వ్యక్తపరిచారు.ఒకవేళ ఫ్యూచర్లో ఒక రచయిత నేను మాత్రమే చేయగలనని ఒక సబ్జెక్టు తో నా ముందుకు వచ్చి అతను నాతో సినిమా చేయడానికి ఒక పేరుగాంచిన దర్శకుడిని ఆ సినిమా నిర్మించడానికి ఒక ప్రొడక్షన్ హౌస్ ను ఒప్పించడానికి ఎంతో కష్టపడాల్సి ఉంటుంది.అయితే నా స్థానంలో నేను కాకుండా ఒక స్టార్ కిడ్ ఉంటే మాత్రం వారికి దర్శకులు ప్రొడక్షన్ హౌస్ ఎలాంటి ఇబ్బంది లేకుండా ఆ సినిమాని తెరకెక్కించడానికి ఎంతో సులువైన మార్గం ఏర్పడుతుందనీ బాలీవుడ్‌లోని నెపోటిజం గురించి చెప్పుకొచ్చింది.
అందుకే ఇలాంటి వాటిని భరించలేక తానే సొంతంగా ఔట్‌ సైడర్స్ అనే ఒక ప్రొడక్షన్ హౌస్ ఏర్పాటు చేశారు.అయితే ఈ ప్రొడక్షన్ హౌస్ ద్వారా తాప్సీ కేవలం బయట వ్యక్తులకు మాత్రమే అవకాశాలు ఇవ్వడం లేదు.అలా ఇండస్ట్రీలోకి అవకాశాల కోసం వచ్చే వారికి తన ప్రొడక్షన్ హౌస్లో అవకాశాలు ఇస్తే తనకు ఇండస్ట్రీలో ఉన్న స్టార్ కిడ్స్ కి ఏమాత్రం తేడా ఉండదని ఇంటర్వ్యూ సందర్భంగా తాప్సీ బాలీవుడ్ ఇండస్ట్రీలో ఉన్న నేపోటిజం గురించి తెలియజేశారు.
ప్రస్తుతం తాప్సీ నటించిన లూప్ లపేటా మంచి పాజిటివ్ టాక్ దక్కించుకుంది.
