తెలుగు సినిమా ఇండస్ట్రీలో బర్నింగ్ స్టార్ సంపూర్ణేష్ బాబు గురించి ప్రత్యేకంగా చెప్పాల్సిన పనిలేదు.ఈయన ఎలాంటి చిత్రాలలో నటించిన ఆ చిత్రం సంచలనంగా మారుతుంది.
ఇదివరకే హృదయ కాలేయం కొబ్బరిమట్ట వంటి చిత్రాల ద్వారా ప్రేక్షకులకు కావలసినంత వినోదాన్ని పంచిన సంపూర్ణేష్ బాబు తాజాగా క్యాలీఫ్లవర్ చిత్రం ద్వారా ప్రేక్షకుల ముందుకు రాబోతున్నారు.ఆర్కె మలినేని దర్శకత్వంలో రాబోతున్న ఈ సినిమా నుంచి తాజాగా ఒక పోస్టర్ ను విడుదల చేశారు.
గుడూరు శ్రీధర్‌ సమర్పణలో మధుసూదన క్రియేషన్స్, రాధాకృష్ణా టాకీస్‌ బ్యానర్లపై ఆశా జ్యోతి గోగినేని నిర్మిస్తున్న ఈ చిత్రంలో సంపూర్ణేష్ బాబు సరసన వాసంతి హీరోయిన్ గా నటిస్తున్నారు.తాజాగా ఈ సినిమా విడుదల తేదీని ప్రకటిస్తూ చిత్రబృందం పోస్టర్ ను విడుదల చేశారు.
ప్రస్తుతం ఈ పోస్టర్ వైరల్ గా మారింది.ఈ సినిమా అన్ని పనులను పూర్తి చేసుకొని ఈనెల 26వ తేదీన విడుదల కానున్నట్లు చిత్రబృందం పోస్టర్ ను విడుదల చేశారు.
ఈ పోస్టర్ లో సంపూర్ణేష్ బాబు తనదైన శైలిలో భిన్నంగా కనిపించారు.అత్యాచారానికి గురైన మహిళ ఏ విధంగా అయితే ఏడుస్తుందో అదే తరహాలో సంపూర్ణేష్ బాబు ఏడుస్తూ కనిపించడం ఆద్యంతం ఈ సినిమాపై ఆసక్తిని నెలకొల్పింది.అంతేకాకుండా ఈ పోస్టర్ పై మగాడిదీ శీలమే అని రాసి ఉండడం చేత ఈ సినిమా కూడా హృదయకాలేయం, కొబ్బరిమట్ట వంటి సినిమాలను తలపిస్తుందని ప్రేక్షకులు భావిస్తున్నారు.
తెలుగు వార్త విశేషాలు సులభముగా తెలుసుకోండి!!!!
