టాలీవుడ్‌లో తెరకెక్కుతున్న ప్రెస్టీజియస్ మల్టీస్టారర్ మూవీ ఆర్ఆర్ఆర్ కోసం యావత్ ప్రేక్షకులు ఎంతో ఆసక్తగా ఎదురుచూస్తున్నారు.ఈ సినిమాతో టాలీవుడ్ రికార్డులతో పాటు ఇండియన్ బాక్సాఫీస్ రికార్డులకు ఎసరు పెట్టాడు దర్శకుడు రాజమౌళి.
ఇక ఈ సినిమాలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తుండటంతో ఈ సినిమాపై భారీ అంచనాలు క్రియేట్ అయ్యాయి.ఇప్పటికే ఈ సినిమా మెజారిటీ శాతం షూటింగ్ పూర్తి చేసుకోగా మిగిలిన షూటింగ్‌ను అతి త్వరలో పట్టాలెక్కించేందుకు జక్కన్న రెడీ అవుతున్నాడు.
ఇక ఈ సినిమాలో యంగ్ టైగర్ ఎన్టీఆర్ కొమురం భీం పాత్రలో నటిస్తుండగా, మెగా పవర్ స్టార్ రామ్ చరణ్ అల్లూరి సీతారామరాజు పాత్రలో నటిస్తున్నాడు.కాగా ఇప్పటికే అల్లూరి సీతారామరాజు పాత్రకు సంబంధించిన ఫస్ట్ లుక్ వీడియోను రిలీజ్ చేయగా దానికి అదిరిపోయే రెస్పాన్స్ వచ్చి పడింది.
అయితే లాక్‌డౌన్ కారణంగా ఈ సినిమా షూటింగ్ వాయిదా పడిన సంగతి తెలిసిందే.కాగా ఇప్పుడు షూటింగ్ జరుపుకునేందుకు అనుమతి లభించడంతో ఆర్ఆర్ఆర్ చిత్రంలోని ఓ కీలక సీక్వెన్స్‌ను తెరకెక్కించేందుకు రాజమౌళి రెడీ అవుతున్నాడు.
ఇందులో భాగంగా ఇద్దరు హీరోల మధ్య సాగే ఓ భారీ యాక్షన్ సీక్వెన్స్‌ను తెరకెక్కించేందుకు రాజమౌళి రెడీ అయ్యాడు.దీనికి సంబంధించి ఇద్దరు హీరోలు ఫిట్‌గా ఉండేందుకు తమ ఇళ్ల వద్ద పెద్ద ఎత్తున జిమ్ చేస్తున్నట్లు తెలుస్తోంది.
ఈ ఫైట్ సీక్వెన్స్‌లో ఎవరిపై ఎవరు గెలుస్తారనే అంశం చాలా కీలకంగా మారింది.మరి ఈ భారీ యాక్షన్ సీక్వెన్స్‌లో ఇద్దరు హీరోలు ఎలా తలబడబోతున్నారో తెలియాలంటే సినిమా రిలీజ్ అయ్యే వరకు ఆగాల్సిందే.
